بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
وتەی ناوداران لەسەر پێغەمبەر (صلی الله علیه وسلم)
 عه‌للامه ‌لوزانی فه‌رِه‌نسی
16/02/2016
بینین: 958
له‌ كتێبه‌كه‌یدا به‌ ناوی (الله فی السماء). محمد پێغه‌مبه‌ری عه‌ره‌به‌كان نیه‌ به‌ ته‌نها، به‌ڵكو باشترین پێغه‌مبه‌ره‌ كه‌ باسی یه‌كتاپه‌رستی خوای كردبێت، ئاینی موسا هه‌رچه‌نده‌ له‌و ئاینانه‌یه‌ كه‌ بنماكه‌ی له‌ سه‌ر یه‌كتاپه‌رستی خوا دامه‌زراوه‌، به‌لاَم ئاینێكی نه‌ته‌وه‌یی رِووت بووه‌ و تایبه‌ته‌ به‌ نه‌وه‌كانی ئیسرِائیل، به‌لاَم محمد ئاینه‌كه‌ی به‌ هۆی دوو بنه‌مای سه‌ره‌كی به‌ هێزه‌وه‌ بلاَو كرده‌وه‌ ئه‌وانیش: یه‌كتاپه‌رستی و باوه‌رِ بوون به‌ زیندوبونه‌وه‌، كه‌ به‌ رِاستئ ئاینه‌كه‌ی بۆ هه‌موو مرۆڤه‌كان ئاشكرا كرد له‌ سه‌رتاسه‌ری ئه‌م زه‌ویه‌دا. 
هه‌روه‌ها له‌ هه‌مان كتێبدا ده‌ڵێت: پێغه‌مبه‌رێك به‌م شێوه‌یه‌ بێت شایه‌نه‌ شوێنكه‌وتوه‌كانی ده‌سپێشكه‌ری بكه‌ن تاكو خه‌ڵكی شوێنی ئاینه‌كه‌ی بكه‌ون، به‌ رِاستی بانگه‌وازێكی به‌ رِێزه‌، له‌ سه‌ر بنه‌مای ناسینی په‌روه‌ردگار دامه‌زراوه‌، هه‌روه‌ها هه‌ڵنانی خه‌ڵكی له‌ سه‌ر خێرو چاكه‌و دوركه‌تنه‌وه‌یان له‌ خراپه‌كاری، به‌ڵكو هه‌موو ئه‌وه‌ی كه‌ هێناویه‌تی بانگه‌شه‌ی چاكه‌و چاكه‌خوازی ئه‌كات، چاكه‌خوازیش سروودی باوه‌رِداره‌، به‌ رِاستی ئه‌مه‌ ئه‌م ئاینه‌یه‌ كه‌ هه‌موو نه‌سرانیه‌كانی بۆ بانگ ئه‌كه‌م تاكو برِوای پێ بێنن..

زیاتر

12
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه