بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
ته‌فسیری قورئان
  ١: سورة الفاتحة
. 1
سوره: الفاتحة
بِسْمِ اللَّهِ الرَّحْمَنِ الرَّحِيمِ
به‌ناوی خوای به‌خشنده‌ی میهره‌بان
الْحَمْدُ للّهِ رَبِّ الْعَالَمِينَ ﴿١﴾
سوپاس و ستایش بۆ خودای په‌روه‌ردگاری جیهانه‌کان.
الرَّحْمنِ الرَّحِيمِ ﴿٢﴾
به‌خشنده‌ی میهره‌بانه‌.
مَالِكِ يَوْمِ الدِّينِ ﴿٣﴾
خاوه‌ن و سه‌رداری ڕۆژی سزاو پاداشت و قیامه‌ته‌.
إِيَّاكَ نَعْبُدُ وإِيَّاكَ نَسْتَعِينُ ﴿٤﴾
خوایه‌ ته‌نیا هه‌ر تۆ ده‌په‌رستین و ته‌نها داوای یارمه‌تی هه‌ر له‌ تۆ ده‌که‌ین.
اهدِنَا الصِّرَاطَ المُستَقِيمَ ﴿٥﴾
خوایه‌ ڕێنموییمان بفه‌رموو بۆ ڕێبازی ڕاست و دروست.    
صِرَاطَ الَّذِينَ أَنعَمتَ عَلَيهِمْ غَيرِ المَغضُوبِ عَلَيهِمْ وَلاَ الضَّالِّينَ ﴿٦﴾
ڕێبازی ئه‌وانه‌ی که‌ نازو نیعمه‌ت  و به‌هره‌وه‌رت کردون. نه‌ك ڕێبازی ئه‌و چه‌واشه‌ بوانه‌ی که‌ خه‌شم و قینت لێ گرتون و سه‌رگه‌ردان و گومڕا بوون.*
 
*(له‌ فه‌رموده‌یه‌کی قودسیدا خوای گه‌وره‌ ده‌فه‌رموێت: من نوێژم له‌نێوان خۆم و به‌نده‌ی خۆم دابه‌ش کردووه‌ (مه‌به‌ستیشی سوره‌تی فاتیحه‌یه‌ که‌ به‌شێکی سه‌ره‌کی نوێژه‌): کاتێك که‌ ئیماندار ده‌ڵێت الحمدلله‌ رب العالمین خوا ده‌فه‌رموێت: ئه‌وه‌ته‌ به‌نده‌م سوپاس و ستایشم ده‌کات، کاتێك که‌ ده‌ڵێت: الرحمن الرحیم، خوا ده‌فه‌رموێت: ئه‌وه‌تا به‌نده‌م ستایش و وه‌سفم ده‌کات، کاتێك که‌ ده‌ڵێت: ایاك نعبد وایاك نستعین، خوا ده‌فه‌رموێت: به‌نده‌م ڕاست ده‌کات ئه‌وه‌تا هه‌ر من ده‌په‌رستێت و هه‌ر من به‌ پشتیوان ده‌زانێت، کاتێك که‌ ئایه‌تی ٥،٦ ده‌خوێنێت، خوا ده‌فه‌رموێت: ئه‌وه‌ بۆ به‌نده‌م هه‌رچی داواش بکات پێی ده‌به‌خشم).
 

زیاتر

1
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه