بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
ته‌فسیری قورئان
  ٩٣: سورة الضحى

بِسْمِ اللَّهِ الرَّحْمَنِ الرَّحِيمِ
به‌ناوی خوای به‌خشنده‌ی میهره‌بان
وَالضُّحَى ﴿1﴾
سوێند به‌ چێشته‌نگاو ‎کاتێ که‌ خۆر به‌رزده‌بێته‌وه‌و دنیا گه‌رم دادێت و کاتی جووڵه‌ و چالاکییه‌).
وَاللَّيْلِ إِذَا سَجَى ﴿2﴾
وه‌ به‌شه‌و به‌ تاریکی داده‌پۆشرێت.
مَا وَدَّعَكَ رَبُّكَ وَمَا قَلَى ﴿3﴾
په‌روه‌ردگاری تۆ ده‌ست به‌رداری تۆ نه‌بووه‌و وازی له‌تۆ هێناوه‌ (ماوه‌یه‌ك وه‌حی نه‌هات بۆ پێغه‌مبه‌ر صلی الله‌ علیه‌ وسلم کافرانی قوڕه‌یش وتیان، په‌روه‌ردگاری محمد وازی لێهێناوه‌، ئیتر خوای گه‌وره‌ به‌درۆی خستنه‌وه‌).
وَلَلْآخِرَةُ خَيْرٌ لَّكَ مِنَ الْأُولَى ﴿4﴾
بێگومان قیامه‌ت و دواڕۆژ چاکتره‌ بۆ تۆ له‌ دنیا.
وَلَسَوْفَ يُعْطِيكَ رَبُّكَ فَتَرْضَى ﴿5﴾
له‌ ئاینده‌دا په‌روه‌ردگارت نازو نیعمه‌تت پێده‌به‌خشێت که‌ زۆر پێی ڕازیی و خۆشنود ده‌بیت.
أَلَمْ يَجِدْكَ يَتِيمًا فَآوَى ﴿6﴾
مه‌گه‌ر په‌روه‌ردگارت نه‌یبینیت به‌هه‌تیویی و خێرا ده‌رووی لێ کردیته‌وه‌و لانه‌ی بۆ سازاندیت؟!
وَوَجَدَكَ ضَالًّا فَهَدَى ﴿7﴾
ئه‌ی سه‌رلێ شێواو نه‌بویت و نه‌تده‌زانی چی بکه‌یت، هیدایه‌تی دایت و ڕێنمونی کردیت؟!
وَوَجَدَكَ عَائِلًا فَأَغْنَى ﴿8﴾
ئه‌ی نه‌یبینیت که‌ هه‌ژارو نه‌داریت، پاشان ماڵ و سامانی پێ به‌خشیت و ده‌وڵه‌مه‌ندی کردیت؟!
فَأَمَّا الْيَتِيمَ فَلَا تَقْهَرْ ﴿9﴾
که‌واته‌ تۆش (ئه‌ی پێغه‌مبه‌ر صلی الله‌ علیه‌ وسلم ئه‌ی ئیماندار) هه‌تیوان مه‌چه‌وسێنه‌ره‌وه‌و سته‌میان لێ مه‌که‌و ماڵ و سامانیان مه‌خۆ، وه‌ له‌سه‌ر چاکه‌و چاکه‌کاریی له‌گه‌ڵیاندا به‌رده‌وام به‌.
وَأَمَّا السَّائِلَ فَلَا تَنْهَرْ ﴿10﴾
هه‌رگیز هه‌ڵمه‌شاخێ به‌ هه‌ژارو داماوو سواڵکه‌راندا.
وَأَمَّا بِنِعْمَةِ رَبِّكَ فَحَدِّثْ ﴿11﴾
(به‌ڵکو) ده‌رباره‌ی نازو نیعمه‌ته‌کانی په‌روه‌ردگارت هه‌میشه‌ بدوێ و باسیان بکه‌ (خه‌ڵکی لێ به‌ ئاگا بکه‌).
 


زیاتر

1
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه