بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
هەواڵەکانی پێغەمبەر (صلی الله علیه وسلم)
 خۆشەویستی لێرەوە فێرببە !
16/07/2015
بینین: 3047

خۆشەویستی لێرەوە فێرببە!
.
جيهاد خدر قەلآدزيى
.
خاتوو عائیشه‌ رضی الله‌ عنه‌ زۆر حه‌زی ده‌کرد که‌ بزانێت ئاخۆ پێغـه‌مبه‌ری خوا صلی الله‌ عڵیه‌ وسلم چه‌نده‌ ئه‌وی خۆشده‌وێت.
رۆژێکیان پرسیاری له‌ پێغه‌مبه‌ر کرد پێی فه‌رموو:
منت خۆشده‌وێت ئه‌ی ره‌سول الله‌ ؟
پێغه‌مبه‌ر صلی الله‌ علیه‌ وسلم زۆر باش له‌ هه‌ست ناسکی خاتوو عائیشه‌ تێگه‌یشتبوو، بۆیه‌ به‌ بێ دوو دڵی فه‌رمووی:
به‌ڵێ ئه‌ی عائیشه‌، بێگومان خۆشمده‌وێیت .
په‌رۆشی و هه‌ستیاری دایکمان خاتوو عائیشه‌ له‌ زانینی چۆنیه‌تی خۆشه‌ویستی پێغه‌مبه‌ر بۆ خۆی ، له‌م وه‌ڵامه‌ کورته‌ی ره‌سوڵی مه‌حه‌ببه‌ت له‌ دڵی ئه‌ودا جێگه‌ی نه‌ده‌بۆوه‌ ، بۆیه‌ فه‌رمووی ئه‌ی پێغه‌مبه‌ری خوا چۆن خۆشتده‌وێم ؟
ره‌سوڵی ئه‌کره‌م زانی خاتوو عائیشه چاوه‌روانی شتێکه‌ که‌ دڵێ ئاو بخواته‌وه‌ بۆیه‌ ئه‌م جاره‌ وه‌ڵامێکی زۆر پڕ واتای دایه‌وه‌ و فه‌رمووی:
" وه‌کـو گـرێ کوێـره‌ خۆشـمده‌وێی "
خاتوو عائیشه‌ خاوه‌ن زیره‌کی و ژیری ، له‌م وه‌ڵامه‌ کورته‌ی ره‌سوڵی ئه‌کره‌م زۆر سه‌رسام ببوو ...!
وه‌ها مه‌ست ببوو به‌ خۆشه‌ویستی پێغه‌مبه‌ر صلی الله‌ علیه‌ وسلم به‌رده‌وام ئه‌م ده‌سته‌واژه‌ پر به‌لاغه‌ته‌ی له‌به‌ر خۆیه‌وه‌ ده‌گووته‌وه‌ " خۆشه‌ویستـی وه‌کو گرێ کوێره‌ ؟ "
چه‌ندین جار دووباره‌ی کرده‌وه‌ ، ئه‌م وشانه‌ی لا ببوونه‌ مــه‌تـه‌ڵ ... هـه‌ر ده‌یـگـووت: " گرێ کوێره‌ ، گرێ کوێره‌ ".
خاتوو عائیشه‌ وه‌ها به‌م وشه‌یه‌ مه‌ست ببوو چه‌ندین جاری تر له‌ ژیانی رۆژانه‌دا ناو به‌ ناو ئه‌و پرسیاره‌ی له‌ پێغه‌مبه‌ری خوا ده‌کرده‌وه‌ :
" ئه‌ی پێغه‌مبه‌ری خوا، گرێ کوێره‌ له‌ جیهانێکدا ؟ "
پێغه‌مبه‌ریش صلی الله‌ علیه‌ وسلم بۆ ئه‌وه‌ی خاتوو عائیشه‌ هه‌ست به‌ هه‌مان خۆشی بکاته‌وه‌ ده‌یفه‌رموو: " وه‌کـو یه‌که‌مین رۆژ .."
- گرێ کوێره‌: به‌وه‌ ده‌ڵێن کاتێک گرێ له‌ شتێک بدرێت نه‌کرێته‌وه‌.
- وه‌کو یه‌که‌مین رۆژ: بێگومان رۆژێک نیه‌ له‌ نێوان ژن و مێردا وه‌کو یه‌که‌مین رۆژی هاوسه‌رگیری یه‌کتریان خۆشبوێت و هه‌ست به‌ خۆشی بکه‌ن، ره‌سوڵی ئه‌کره‌میش له‌ هه‌موو رۆژه‌کانی ژیانیدا وه‌کو یه‌که‌مین رۆژی هاوسه‌رگیری خێزانه‌کانی خۆشده‌ویست.
- له‌ قوتابابخانه‌ی فه‌لسه‌فی و وێژه‌ی ره‌سوڵی مه‌حه‌ببه‌تدا ، جگه‌ له‌ مه‌ست بوون و سه‌رسام بوون له‌ به‌لاغه‌تی ئه‌و نازداره‌ شتێکی تر نایه‌ته‌ چنـگ ...!


زیاتر

1
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه