بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
هەواڵەکانی پێغەمبەر (صلی الله علیه وسلم)
 شوێنپێهه‌ڵگرتن و چاولێكردنی پێغه‌مبه‌ر صلی الله علیه و سلم (الاقتداء به صلى الله عليه وسلم)
25/04/2016
بینین: 1379
وه‌ له‌وانه‌ شوێن پێهه‌ڵگرتن و پابه‌ند بوون به‌ پێغه‌مبه‌ره‌وه صلىالله علیه وسلم‌، وه‌ك خوای متعال‌ ئه‌فه‌رموێت: لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الآخِرَ وَذَكَرَ اللَّهَ كَثِيراً [الأحزاب:21] {به‌ ڕاستی له‌ پێغه‌مبه‌ری خوادا چاكترین نموونه‌ی ته‌واو و ڕێكوپێك هه‌یه‌ تا چاوی لێ بكه‌ن و شوێنی بكه‌ون، بۆ ئه‌و كه‌سانه‌ی ڕه‌زامه‌ندی خوایان مه‌به‌سته‌، سه‌رفرازی قیامه‌ت ئاواتیانه‌، هه‌میشه‌و به‌رده‌وام یادی خوا به‌ زۆری ئه‌نجام ده‌ده‌ن و زمانیان پاراوه‌ به‌ یادی ئه‌و}، هه‌ر ئه‌بێت شوێن ئه‌و پێغه‌مبه‌ره‌ بكه‌وین و چاوی لێ بكه‌ین ئه‌وجا خۆشه‌ویستی ئه‌و له‌ دڵ و ده‌رونماندا جێی ده‌بێته‌وه‌، چاوی لێ بكه‌ین له‌ ڕه‌وشتیدا، له‌ هه‌ڵس و كه‌وتیدا، له‌ هه‌موو حاڵه‌تێكیدا له‌ ماڵدا، له‌ مزگه‌وت، له‌ ڕێگه‌و بان، له‌ كاتی شه‌ڕو چه‌نگ، له‌ كاتی ئاشتی، له‌ هه‌موو كات و ساتێكدا پێویستمان به‌وه‌یه‌ كه‌ له‌ سه‌ر ڕێبازو ڕه‌وشتی ئه‌و پێغه‌مبه‌ره‌ هه‌نگاو بنێین و شوێن پێی هه‌ڵگرین، ئه‌مه‌ مانای ڕاسته‌قینه‌ی چاولێكردنو شوێن پێهه‌ڵگرتن و نیشانه‌ی خۆشه‌ویستیه‌تی. 

له‌م باره‌یه‌و فه‌رموده‌یه‌ك له‌ عبدالرحمن بن ابی القراد ه‌وه‌ هاتووه‌ و شێخی ئه‌لبانی به‌ حه‌سه‌نی داناوه‌ و له‌ سلسلة الأحاديث الصحيحةدا هێناویه‌تی، ئه‌فه‌رموێت: { { أن رسول الله صَلَّى اللهُ عَلَيْهِ وَسَلَّمَ توضأ يوماً فجعل الصحابة يتمسحون بوضوئه وذلك تبركاً منهم بوضوئه صَلَّى اللهُ عَلَيْهِ وَسَلَّمَ، فقال لهم رسول الله صَلَّى اللهُ عَلَيْهِ وَسَلَّمَ: ما يحملكم على هذا -أي: لم تفعلون ذلك؟ قالوا: حب الله ورسوله، فقال النبي صَلَّى اللهُ عَلَيْهِ وَسَلَّمَ: من سره أن يحب الله ورسوله أو يحبه الله ورسوله، فليصدق حديثه إذا حدَّث، وليؤد أمانته إذا اؤتمن، وليحسن جوار من جاوره } ذكره ابن كثير (1/ 496) وقال: رواه الطبراني وأبو نعيم واته‌ : {ڕۆژێك پێغه‌مبه‌ر ده‌ستنوێژی ده‌‌گرت، هاوه‌ڵه‌كان له‌ به‌ر پیرۆزی و ته‌به‌ڕوك به‌ ده‌ستنوێژه‌كه‌ی ده‌ستیان ته‌ڕ ئه‌كرد به‌ ئاوی ده‌ستنوێژه‌كه‌ی و ئه‌یانهێنا به‌ خۆیاندا، پێغه‌مبه‌رصلىالله علیه وسلم پێی وتن : چی وای لێ كردوون كه‌ وا بكه‌ن؟ واته‌: بۆ وا ئه‌كه‌ن به‌و شێوه‌یه‌؟ وتیان: خۆشه‌ویستی خواو پێغه‌مبه‌ره‌كه‌یه‌تی پاڵی پێوه‌ ناوێن وا بكه‌ین، ئه‌وجا پێغه‌مبه‌رصلىالله علیه وسلم فه‌رمووی: هه‌ر كه‌سێ دڵگه‌ش ئه‌بێ به‌وه‌ی كه‌ خواو پێغه‌مبه‌ری خۆش بوێت، یان خواو پێغه‌مبه‌ر ئه‌ویان خۆش بوێت، ئه‌وه‌ با:ئه‌گه‌ر قسه‌ی كرد ڕاستگۆ بێت، وه‌ ئه‌گه‌ر ئه‌مانه‌تی لا دانرا بیداته‌وه‌ به‌ خاوه‌نه‌كه‌ی و ده‌ستپاك بێت له‌ سه‌ری، وه‌ بو به‌ دراوسێی هه‌ر كه‌سێكیش با مافی دراوسێیه‌تی بداتێ}. 

به‌ ڕاستی ئه‌گه‌ر له‌ ڕه‌وشت و ئه‌خلاقی پێغه‌مبه‌رصلىالله علیه وسلم ورد بینه‌وه‌ ئه‌بینین ڕاستگۆترینی خه‌ڵكی بووه‌ له‌ قسه‌و گوفتاریدا، وه‌ گه‌وره‌ترینی خه‌ڵكی بووه‌ بۆ ئه‌مانه‌ت، وه‌ چاكترین و باشترین كه‌سێك بووه‌ له‌ دراوسێیه‌تی و ماف دان به‌ دراوسێدا، جا ئه‌مه‌ به‌شێكه‌ له‌ شه‌مائیل و ڕ‌ه‌وشته‌ به‌رزه‌كانی ئه‌و پێغه‌مبه‌ره‌ كه‌ پێویسته‌ له‌ سه‌رمان شوێن پێی هه‌ڵگرین و له‌ سه‌ری بڕۆین، ئه‌مه‌ به‌ جێ هێنانی خۆشه‌ویستی پێغه‌مبه‌ره‌و پێویستی و كه‌ره‌سه‌ی ئه‌و خۆشه‌ویستیه‌یه‌.
 

زیاتر

1
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه