بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
هەواڵەکانی پێغەمبەر (صلی الله علیه وسلم)
 کۆتایی و سەرکەوتن هەر بۆ لەخوا ترسانە
07/11/2019
بینین: 1086




ئەگەر سزادان و نارەحەتکردنی سەخت ڕووبەڕووی پێغەمبەری خوا علیه السلام بوبێتەوە ئەوا هیچ کەسێک نییە لەو باشتر و بەرێزتر کە بە قەد ئەو ئازار بچێژێ ، پێشینی چاک بۆ بانگخوازان لە پێغەمبەری خوادا علیە السلام تەنها بریتی نییە لەوەی لەیەک ڕووەوە بێت ، تەنها بریتی نییە لەوەی بەخێرهاتنی خەڵکی بکەن بۆ ناو ئیسلام و تەواو ، وە دواتر لەکاتی نارەحەتیدا بەدوای هۆکارێک بگەڕێن بۆ ئەوەی خۆیانی لێ ڕزگار بکەن ، نابێ وابن

بۆیە الله تعالی فەرموویەتی {{ لقد کان لکم فی رسول الله أسوة حسنة لمن كان يرجوا الله واليوم الآخر وذكر الله كثيرا }} به‌دڵنیایى له‌ پێغه‌مبه‌ری خوادا - صلی الله علیه وسلم - بۆ ئێوه‌ پێشه‌وایه‌تییه‌كی زۆر جوان هه‌یه‌و پێشه‌واو مامۆستای چاكی ئێوه‌یه‌و چاو له‌ پێغه‌مبه‌ری خوا - صلی الله علیه وسلم - بكه‌ن و شوێنى بكه‌ون به‌ڵام بۆ كه‌سێك كه‌ به‌ ئومێدی خواو ڕۆژی دوایی و پاداشتی خوای گه‌وره‌ هه‌بێت، وه‌ زیكری خوای گه‌وره‌ی زۆر كردبێت.


کاتێک پرسیارکرا لە پێغەمبەری خوا علیه السلام کێ لە خەڵکی زیاتر تاقیدەکرێتەوە ؟! ، فەرمووی : پێغەمبەران پاشان هاوشێوەی ئەوان پاشان هاوشێوەی ئەوان ، پیاو بە قەد دینەکەی تاقیدەکرێتەوە، دینداریەکەی پتەو بێت ئەوا تاقیکردنەوەی قورس دەبێت ، خۆ ئەگەر لاوازیەک لە دینەکەیدا هەبوو ئەوا بەپێی دینەکەی تاقیدەکرێتەوە، بەردەوام ئەو کەسە تاقیدەکرێتەوە تاوەکو دەکاتە ڕادەیەک ئەو کەسە بەسەر زەویدا دەڕوات و تاوانی پێوە نییە .



{{ سنن ابن ماجه ، باب الصبر على البلاء ١٣٣٤/٢ ، فەرموودەی ٤٠٢٣ }}



سەرکەوتن هەر بۆ لەخوا ترسانە ڕ چوون ئەوانەی کە دژایەتی ئیسلام و بانگخوازانیان دەکرد لە مەککەدا ، وە جۆرەها سزایاندان لە بەرامبەر ئارامگری بڕواداراندا تێک شکان ، وە دوو لە سەرەکیترین ئەو کەسانەی کە دژایەتی پێغەمبەریان دەکرد { عقبة بن أبي معيط و نضر بن الحارث } بوون ، لە جەنگی بەدردا گیران و خودای گەورە تورەیي دڵی ئیماندارانی دامرکاندەوە بە کوشتنیان بە فەرمانی پێغەمبەری خوا علیه السلام.




زیاتر

1
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه