بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
هەواڵەکانی پێغەمبەر (صلی الله علیه وسلم)
 ئەو پیاوەی وەك ڕەحمەت بۆ جیهان نێردراوە
21/07/2015
بینین: 1984

 ئەو پیاوەی وەك ڕەحمەت بۆ جیهان نێردراوە

پێشەوا ئازادی


  *ۆمَآ أَرۡسَلۡنَٰكَ إِلَّا رَحۡمَەٗ لِّلۡعَٰڵمِینَ* (الانبیا‌و – ١٠7 – )
*ێٰٓأَیُّهَا ٱلنَّبِیُّ إِنَّآ أَرۡسَلۡنَٰكَ شَٰهِدٗا ۆمُبَشِّرٗا ۆنَژِیرٗا *ۆدَاعِیًا إِڵی ٱللَّهِ بِإِژۡنِهِۦ ۆسِرَاجٗا مُّنِیرٗا* ( اڵاحزاب – ٤٥ ، ٤٦ - )
(( ئەو پیاوەی وەك ڕەحمەت بۆ جیهان نێردراوە ، ئەگەر ئێمە پەیامەکەی وەرنەگرین و ڕێبازەکەی پەیڕەو نەکەین ، ئەوا ئەو کارەمان هیچ ناگەیەنێت ، تەنها ئەوە نەبێت ، کە ئێمە ڕەحمەتی خودا ڕەتدەکەینەوە ))
لیۆپۆڵد ڤایس : الاسلام علی مفترق الگرق 
با مێژوو بۆمان بدوێ ، دەربارەی :
یەکەم : ئەو ووڵاتە موسڵمانانەی فەتحی ئیسلامییان نەچۆتە ناو :
1- ئەندۆنیسیا : ڕێژەی موسڵمان %٩٠ و نەمانبیستووە ڕۆژێ لە ڕۆژان لەشکرێکی موسڵمانانی چوبێتە ناو تەنانەت یەكیك لە دوورگەکانیشی .
2- مالیزیا : کەتەنانەت سەربازێکی موسڵمانیش نەچۆتە نێو خاکەکەی ، کەچی ڕێژەی موسڵمانان لەو ووڵاتەدا لەنیوەی ژمارەی دانیشتوانی زیاترە .
3- ئەفەریقا : لەکەناری ڕۆژهەڵاتیەوە تا مۆزەبیق لەباشور و زۆرینەی دانیشتوانی کەناری ڕۆژئاوای قاڕەکە موسڵمانن ، لەکاتێکدا مێژوو هەواڵیکی وای تۆمار نەکردووە ، کە لەشکری موسڵمانان چوبێتە ناو هیچ کام لەم خاکانەوە .
لەبەر ئەوە دەپرسین کام شمشێرە یە ، کە چۆتە نێو ئەو خاکانەوە و بوەتە هۆکاری بڵاوبوونەوەی ئیسلام تیاندا ؟!
مێژوو پێمان دەڵیت کە ئەوانەی چونەتە نێو ئەو خاکانەوە بازرگانە موسڵمانەکان بوون ، کە چەکێكی بەهێز تر لە شمشێریان پێبوو ، ڕەوشتی پێغەمبەرەکەیان (ﷺ) و فەرمانە پڕ بەزەییەکانی ئیسلامی وەکو ڕاستگۆیی و دادگەری و دەستپاکی و بەڵێن بردنە سەر و دڵسۆزییان پەیڕەو دەکرد .
دکتۆر و دیبلۆماسکاری ئەڵمانی ( مراد هۆفمان ) لە کتێبەکەیدا ( یومیات مسلم ألمانی ) دەڵیت : بڵاوبوونەی خۆکرد و ئاسانی ئیسلام بە درێژایی مێژوو خاسیەتی ئەو ئاینە بووە ، ئەوەش لەبەر ئەوەی ئاینی فیتڕەت و سروشتە ، کە بۆ محمد (ﷺ) هاتووە .
هەروەها لە کتێبی (الاسلام کبدیل) دا دەڵیت : ( ئەوەی لە قورئاندا لە هەموو شتێك زیاتر توێژەر و ڕۆژهەڵاتناس سەرسام دەکات ، ئەو باسە تێرو تەسەلەیە ، کە قورئان سەڕەڕای کەمینەییان لەناو کۆمەڵگای ئیسلامیدا باسی لەماف و پاراستنی خاوەن کتێبەکان کردووە ، ئەمەش بەڵگەیەکی ڕونە لە سەر لێبوردەیی و سنگ فراوانی ئەو ئایینە ) . 
بە پێی توێژینەوەکانی ناوەندی ( رصد العقائد) لەشاری (برن ) سویسرا ، ئیسلام لە هەمو ئایینەکان زیاتر لەجیهاندا و لەمێژوو دا گەشەدەکات و بڵاو دەبێتەوە .
ئەو ڕاستیەش لەلایەن توێژەرانی ئایینەکان پشتڕاست کراوەتەوە ، ئەوەتا کچە توێژەری ئایینی ، ئەمەریکی دەڵێت :
• کارۆڵ ئەنوی ، لەکتێبەکەی (سر إسلام الامریکیات ) دا دەڵیت : (لەئەمەریکای باکوردا ئیسلام لەهەموو ئاینەکان زیاتر گەشە دەکات و بڵاودەبێتەوە ) . 
• هەروەها دکتۆر ( هستۆن سمیس) لە کتێبی ( دیانات الانسان ) دا دەڵێت : ( ئیسلام لەم سەردەمەدا * وەك سەردەمانی پێشوو* لەهەموو ئاینەکان لەپەیدا کردنی شوێنکەوتو و بەڕاست دانەراندا خێراترە ).
• هەروەها مژدەدەر (جۆن تکل) دەڵێت ( سەڕەڕای ئەو هەوڵە کەمەی لەپێناو بڵاوبوونەوەیدا دەدرێت * کەدەکرێ هەوڵەکان بە نەبوو هەژمار بکرێن * بەڵام ئیسلام هەر لەبەرەو گەشەسەندن و بڵاوبوونەوەیە ) *الغارە علی العالم الاسلامی ، ل ، شاتلییە .
• بیانکا سکارسیا ، لە کتێبەکەی ( العالم الاسلامی و قچایاە و التأریخیە) دا دەربارەی هێزی سەرنجڕاکێشی ئیسلامی دەڵێت : ( شەریعەتی قورئانی هێزی سەرەنجڕاکێسانی هەیە و کار لەملیۆنان کەس دەکات ، ئیسلام بەردەوام خواستی لەسەر زیاتر دەبێت و خەڵك زیاتر دەبنە موسڵمان .. لێکدانەوەی ئەو دیاردەیەش بە تایبەت لەئەوروپادا کارێکی قرسە ، چونکە خەریکە ئیسلام دەبێتە جێگرەوەی شارستانییەتی ڕۆژئاوا ).
• پاشان سکارسیا دەربارەی هێزی سەرنجڕاکێشی ئەو ئایینە پرسیاردەکات و دەڵێت ( ئیسلام بەردەوام گەشە دەکات ، ئەو هێزە سەرسوڕهێنەرە چی یە ؟ ، کەلەو ئایینەدا هەیە ؟ چ هێزێکی خودکاری باوەڕهێنەری تێدایە ؟! بۆچی دەرونەکان بە پەرۆشەوە بانگەوازی ئیسلام قەبوڵ دەکەن و وەڵامی ئەرێ لە خزمەتیدان ؟! * شمس الإسلام تشرق من جدید محمد عپمان .
• جۆن پۆل ڕۆ لە کتێبەکەی ( الإسلام فی الغرب) دا دەڵیت : گەڕانەوەی ئیسلام ۆ ئەوروپا شەپۆلێکی نوێیە ، کە هیچ ئایین و ڕێسایەك ناتوانێت سنورداری بکات یان بیوەستێنیت ) .
• لیۆ تۆلستۆی یش ڕای وایە ، کە ( شەریعەتی ئیسلام هەموو بستێکی ئەو سەرزەمینە دەگرێتەوە ، ئەوەش بەهۆی گونجانی لەگەڵ عەقڵ و بونی دانایی و دادگەری تێیدا ) *شمس الإسلام تشرق من جدید .
• یەکێك لەو ڕاستییانەی نوسەری شانۆگەری ئیرلەندی (جۆرج بێرنارد شۆ) خستویە تییە ڕو ، ئەوەیە ، کەدەڵێت : هەمو دنیا ئیسلام قەبوڵ دەکەن ! ئەگەر بەناوی خۆشییەوە پەیڕەوی نەکەن ئەوا بەناوێکی خوازراو پەیڕەوی دەکەن ! ئەو ڕۆژەش دێت کە ڕۆژئاوا دێتە سەر ئاینی ئیسلام ) * الإسلام بعد مئە عام .




زیاتر

1
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه