بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
هەواڵەکانی پێغەمبەر (صلی الله علیه وسلم)
 به‌جێهێنانی شایه‌تی و گه‌واهیدان بۆی صلی الله علیه وسلم (تحقيق الشهادة له صلى الله عليه وسلم)
25/04/2016
بینین: 1486

گه‌وره‌ترن پێویستی خۆشه‌ویستی ئه‌و پێغه‌مبه‌ره‌صلىالله علیه وسلم بریتیه‌ له‌ به‌ جێهێنانی شایه‌تی و گه‌واهیدان بۆی به‌وه‌ی كه‌ پێغه‌مبه‌ری خوایه‌، ئه‌و شایه‌تیدانه‌ كه‌ ڕوكن و بنه‌مای ته‌وحیدو یه‌كخواناسی په‌روه‌ردگاره‌‌،‌ شایه‌تیدان به‌ پێغه‌مبه‌رایه‌تی مانای گوێڕایه‌ڵیه‌تی له‌ هه‌موو كارێكدا كه‌ فه‌رمانی پێ دابێت، هه‌روه‌ها وا‌ز هێنان و دوركه‌وتنه‌وه‌ش له‌ هه‌موو ئه‌و كارانه‌ی كه‌ قه‌ده‌غو جڵه‌وگیری لێ كردووه‌، وه‌ مانای به‌ ڕاستگۆگرتن و باوه‌ڕپێ هێنانیه‌تی له‌ هه‌موو ئه‌و شتانه‌ی كه‌ هه‌واڵی پێ داوون، وه‌ ئه‌وه‌ش ئه‌گه‌یه‌نێت كه‌ نابێت به‌ هیچ شێوه‌یه‌ك خوا په‌رستی بكرێت ته‌نها له‌و ڕێگه‌یه‌وه‌ نه‌بێت كه‌ ئه‌و پێغه‌مبه‌ره صلىالله علیه وسلم‌ بۆی هێناوین و بۆی ڕوون كردوینه‌ته‌وه‌، له‌ به‌ر ئه‌وه‌ خوای گه‌وره‌ ئه‌فه‌رموێت:قُلْ إِنْ كُنْتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ وَاللَّهُ غَفُورٌ رَحِيمٌ [آل عمران:31] {ئه‌ی محمد بڵێ ئه‌گه‌ر ئێوه‌ خواتان خۆش ئه‌وێت، ئه‌وه‌ شوێن من بكه‌ون خواش ئێوه‌ی خۆش ئه‌وێت و له‌ تاوان و گوناهه‌كانیشتان ئه‌بورێت}، هه‌روه‌ها ئه‌فه‌رموێت: قُلْ أَطِيعُوا اللَّهَ وَالرَّسُولَ فَإِنْ تَوَلَّوْا فَإِنَّ اللَّهَ لا يُحِبُّ الْكَافِرِينَ [آل عمران:32]. {پێیان بڵێ : فه‌رمانبه‌رداری خواو پێغه‌مبه‌ر بن، خۆ ئه‌گه‌ر سه‌رپێچی بكه‌ن و پشتی تێبكه‌ن ئه‌وه‌ دڵنیا بن خوا بێ باوه‌ڕانی خۆش ناوێت}. 

كه‌واته‌ هیچ نامێنێته‌وه‌ جگه‌ له‌ شوێن كه‌وتن و فه‌رمانبه‌رداری نه‌بیت بۆی صلىالله علیه وسلم، وه‌ ئه‌م شوێن پێهه‌ڵگرتن و گوێڕایه‌ڵی بوونه‌یه‌‌ كه‌ خۆشه‌ویستی خواو پێغه‌مبه‌ر له‌ دڵی به‌نده‌دا دروست ده‌كات و ئه‌یڕوێنێ، كه‌ ئه‌مه‌ش كۆتای مه‌به‌ستی هه‌موو ئیماندارانه‌ كه‌ ئه‌یانه‌وێت له‌ ژیانیاندا پێی بگه‌ن، هه‌روه‌ك هه‌ندێ له‌ پێشین وتویانه‌: ليست العبرة بأن تُحِبْ، ولكن العبرة بأن تُحَبَّ "عیبره‌ت و په‌ند وه‌رگرتن ئه‌وه‌ نیه‌ كه‌ تۆ (خواو پێغه‌مبه‌رت خۆش بوێت) عیبره‌ت ئه‌وه‌یه‌ كه‌ تۆ خۆش بویسترێیت". 

چونكه‌ خوا-سبحانه‌وتعالی- هه‌ر كه‌سێكی خۆش ویست ئه‌وه‌ یارمه‌تی ئه‌دات و ڕێنومایی ئه‌كات بۆ گشت ڕێگاكانی خێرو چاكه‌، وه‌ به‌ جێهێنان و دابینكردنی خۆشه‌ویستی ناكرێ و نابێ ته‌نها مه‌گه‌ر به‌وه‌ نه‌بێ كه‌ فه‌رمانی خواو پێغه‌مبه‌ر صلىالله علیه وسلم له‌ خۆتا به‌ جێ بێنیت و له‌ سه‌ریان بڕۆی:قُلْ إِنْ كُنْتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ وَاللَّهُ غَفُورٌ رَحِيمٌ [آل عمران:31] وه‌ شێونكه‌وتنیش، مانای شوێن كه‌وتنی خواو پێغه‌مبه‌ر كه‌ به‌ په‌یوه‌ست بوون و پابه‌ند بوون ئه‌بێ به‌ شه‌ریعه‌ت وبه‌رنامه‌ی ئیسلامه‌.

زیاتر

1
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه