بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
موعجیزە و ئیعجازی زانستی
 موعجزەی لەت کردنی مانگ
28/07/2014
بینین: 2438

ئه‌مه‌ یه‌كێكه‌ له‌ موعجیزه‌كانی پێغه‌مبه‌ر(صلی للە علیە وسلم) كه‌ به‌ ئاماژە‌ كردنی په‌نجه‌ی موباره‌كی بۆ مانگ یه‌كسه‌ر بووه‌ به‌ دوو كه‌رته‌وه‌ كه‌ له‌ مانگی ڕه‌مه‌زاندا ڕووی داوه‌ كه‌ كۆمه‌ڵێك له‌ مێژوونوسان ده‌ڵێن؛ ٥یان ٦ی پێغەمبەرایەتی پیغه‌مبه‌ری خوا بووه(صلی للە علیە وسلم) ‌ .

 له‌ شاری مه‌ككه‌ داوای موعجیزه‌یه‌یان له‌ پێغه‌مبه‌ر کرد(صلی للە علیە وسلم) …

جولەکەکان هاتنە شاری مککە بیستیان کە بانگەوازێك بڵاوبۆته‌وه‌ كه‌ محمد بانگەشەی پێغه‌مبه‌رایه‌تی ده‌كات، جوله‌كه‌كان هاتنه‌ لای قوره‌یشییه‌كان ووتیان ئه‌گه‌ر محمد پێغه‌مبه‌ر بێت هه‌موو پێغه‌مبه‌ره‌كان موعجیزه‌یان هه‌یه‌ دوای شتێکی لێبکەن کە لە توانی مرۆڤدا نەبێت..

 هاتنه‌ لای پێغه‌مبه‌ری خوا (صلی للە علیە وسلم) و ووتیان خۆتمان پێبناسێنە محمد کە تۆ پێغه‌مبه‌ری ئه‌بێ موعجیزه‌ت هه‌بێت..وه‌كو پێغه‌مبەرانی تر..

پێغه‌مبه‌ر (صلی للە علیە وسلم) پێ فه‌رموون چیتان ئه‌وێ، پاشان لە سەرکردەکانی قوره‌یش ئەبو جه‌هل و وه‌لیدی كوڕی موغه‌یره‌ و عوتبه‌ و زۆرێکی تر‌ و چه‌ندانێكی تر داوای شتێكی ته‌عجیزی ده‌كه‌ن کە لەتوانای کەسدا نیە،له‌و ڕۆژه‌دا مانگ پڕه‌ داوای ئه‌وه‌ ده‌كه‌ن كه‌ مانگ بكات به‌ دوو كه‌رته‌وه‌ ئه‌وانیش بیبینن،ئه‌م كاره‌ به‌ هه‌موو پێوه‌رێك له‌ توانای مرۆڤدا نییه‌، بۆیه‌ پێغه‌مبه‌ر (صلی للە علیە وسلم) داوا له‌ خوای گه‌وره‌ ده‌كات و ده‌پاڕێته‌وه‌ و ده‌ڵێت خوایه‌ گیان توشی خزییم نه‌كه‌ی له‌به‌رده‌م خزمه‌كانم و قوره‌یشییه‌كاندا،‌ خوای گه‌وره‌ به‌ جوبرەئیلدا (سەلامی خوای لێبیت) جوابی بۆ ده‌نێرێت ده‌فه‌رموێت به‌ په‌نجه‌ ئاماژە بۆ بكه‌ و هه‌ر له‌ شێوه‌ی په‌نجه‌تدا كه‌ ئیشاره‌تی بۆ ده‌كه‌یت ده‌بێت به‌ دوو كه‌رته‌وه‌ هه‌تا به‌و شێوه‌یه‌ی كه‌ په‌نجه‌ی بۆ ڕاكێشاوه‌ بوو بە دوو كه‌رته‌وه‌..

 خوای گەورە ئایەتی دابەزاند لەسەر لەت بونی قاش بوونی مانگ..” اقْتَرَبَتِ السَّاعَةُ وَانشَقَّ الْقَمَرُ ﴿1﴾ڕۆژی قیامه‌ت نزیك بۆته‌وه‌و مانگیش له‌تبووه‌ (هه‌ندێ گێڕانه‌وه‌ هه‌یه‌ که‌ ئاماژه‌ ده‌کات بۆ ئه‌وه‌ی که‌: خوانه‌ناسان داوای (معجزة)یان له‌ پێغه‌مبه‌ر کردبێت ئه‌ویش په‌نجه‌ی موباره‌کی ڕوه‌و مانگ بزواندو به‌ ویستی خوا له‌ت بوو) “

دوای ڕوودانی كاره‌كه‌ مانگ ده‌بێت به‌ دوو كه‌رته‌وه‌ هەر بەشەله‌سەر دوو شاخ لە مککەدا دەبینرێت، هه‌موو هاوەڵان ده‌ڵێن ئه‌و ڕۆژه‌ی ئه‌و ڕووداوه‌ بووه‌ هیچ هه‌ورێك له‌ ئاسماندا نه‌بوو وه‌ ڕووداوه‌كه‌مان بینی و پاش ماوه‌یه‌ك مانگ وه‌ك خۆی لێ هاته‌وه‌، دوای ئه‌وه کە ئەم رەوشە روویدا‌ بێباوەڕەکانی مه‌ككه‌ ده‌ڵێن پێغه‌مبه‌ری خوا سحری کردوە، پاشان خوای گەورە ‌دەفەرموێت(وَإِن يَرَوْا آيَةً يُعْرِضُوا وَيَقُولُوا سِحْرٌ مُّسْتَمِرٌّ ﴿2﴾جا ئه‌وانه‌ هه‌ر (معجزة)و به‌ڵگه‌یه‌ك ده‌بینن ده‌ڵێن: ئه‌مه‌ جادوویه‌کی به‌رده‌وامه‌ (به‌هیچ به‌ڵگه‌یه‌ك بڕوا ناکه‌ن).)..

 بۆ ئه‌وه‌ی بێباوەڕانی ئەم سەردەمەو سەردەمی خۆشی بزانین كه‌ سحر نییه‌ چونكه‌ مێژووه‌كانی تریش تۆماریان كردووه‌ وه‌كو مێژووی ئه‌وروپا و ئینگلته‌را و یۆنان و فرنجه‌ و قوطییه‌كان ونه‌صارا و هیندۆسه‌كان،دوای ئه‌وه‌ی كه‌ ووتیان پێغه‌مبه‌ر ساحره‌ و سیحری له‌ چاوی ئێمه‌ كردووه‌ خه‌ڵك ده‌نێرن بۆ یه‌مه‌ن و شام و به‌حره‌ین و ئه‌و شوێنانه‌ی كه‌ كاروانه‌كانیانی پیا دێته‌وه‌ و به‌ خه‌ڵكه‌كه‌ ده‌ڵێن؛ مانگتان دیوه‌ له‌ت ببێت ببیتە دوو قاش ئه‌وانیش ووتویانه‌ بینیومانه‌ دوو كه‌رت بوو پاشان چووه‌ ناویه‌ك بەیەکەوە لاکایەوە ..

 یه‌كێك له‌ زانایانی ئیسلام كه ناوی دکتۆر‌ نه‌جار زه‌غلوله‌ ڕۆژێك وانەیەکی(موحازەرەیەك)ی ده‌بێت له‌ زانکۆی كاردیف لە به‌ریتانیایه‌ ،كاتێك كه‌ موحازه‌ره‌ ده‌دات له‌باسێكیدا باسی له‌ت بوونی مانگه‌، به‌ڵام نابێته‌ باسی سه‌ره‌كی له‌ دوایدا یه‌كێك له‌ گه‌نجه‌كان قسه‌كه‌ی به‌لاوه‌ سه‌یر ده‌بێت و ده‌چێت قورئان ده‌كاته‌وه‌ و سه‌یر ده‌كات ڕاسته‌ نوسراوه‌ له‌ سوره‌تی مانگدا کە لەسەروەئاماژەم پێداوە مانگ قاش دەبێت‌..

 ئه‌م لاوە ئینگلیزیە‌ ده‌یه‌وێت لێکۆڵینەوە لەسەر ئیسلام بكات و شیکاریەکی زانستیانە بۆ ئەوم باسە بکات خۆشی هیچ په‌یوه‌ندییه‌كی به‌ دینه‌وه‌ نییه‌..

 سه‌یری قورئان دەکات ده‌ڵێت؛ شتێكی نا مه‌عقوله‌ مانگ بوبێت به‌ دوو كه‌رته‌وه‌ باوه‌ڕ ناكات كه‌ شتێكی وا بوبێت بۆیه‌ قورئانه‌كه‌ داخاته‌وه‌ و لای ده‌بات له‌ دوای ئه‌مە ماوەیەکی پێ دەچێت، دوای چه‌ند مانگێكی پێ ده‌چێت، قه‌ده‌ری خوا گەورە واده‌بێت ئه‌م گه‌نجه‌ كه‌ له‌ زانکۆی كاردیفه‌ دانیشتوە بە‌دیار ته‌له‌فزیۆنه‌وه‌ به‌رنامه‌یه‌ك ده‌كرێت له‌ دیسكه‌ڤه‌ری ئه‌و كه‌ناڵه‌یه‌ كه‌ باس له‌ گەردون و کەون (فضاء)ده‌كات كه‌ له‌ ئه‌مریكاوه‌ چوار زانای ئه‌مریكی لە “ناسا” بانگێشت کراوان باس و خواستێکە لەسەر پرۆەی ناسا زۆری بودجەی ئەو دەزگایە، كه‌ هیچ په‌یوه‌ندییان به‌ ئیسلامه‌وه‌ نییه‌ ،ئه‌م به‌رنامه‌ی كه‌ كراوه‌ ڕه‌خنه‌یه‌ له‌ ناسا كه‌ ئه‌م هه‌موو پاره‌ زۆره‌سه‌رف ده‌كرێت ناسا چ ئیسفاده‌یه‌كیان كردووه‌ سودیان بە خەڵکی گەیاندوە،دوو كه‌س له‌ زاناکان كه‌ ده‌كه‌ونه‌ قسه‌ كردن ئه‌ڵێن؛ ئێوه‌ چۆن ئاوا به‌ ئێمه‌ ده‌ڵێن له‌ كاتێكدا ئێمه‌ خه‌ریكی لێکۆڵینەوەیەکین له‌سه‌ر مانگه‌ له‌ شێوه‌ی قایشدا به‌ده‌وریدا كه‌ جێگه‌ی وه‌كوقایشێك كه‌ وتوندی بكه‌یت له‌سه‌ر سكت جێگایه‌ك به‌جێ ده‌هێڵێت ئاوا شتێك به‌سه‌ر مانگه‌وه‌یه‌ كه‌ ئه‌و مانگه‌ لێ بۆته‌وه‌ وپێكه‌وه‌ لكێنراوه‌ته‌وه‌ وه‌ ئێمه‌ ئێستا لە لیکۆڵینەوەی ئەوداین ،ئه‌م گه‌نجه‌ش كه‌ دانیشتووه‌ به‌ دیار به‌رنامه‌كه‌وه‌ یه‌كسه‌ر هه‌ڵده‌ستێت ئه‌چێ قورئانه‌كه ‌ده‌خوێنێته‌وه‌ پاشان موسوڵمان ده‌بێت وپه‌یوه‌ندی ده‌كات به‌ د.نجار زغلوله‌وه‌ ‌ كه‌ له‌به‌ریتانیا ده‌بێت.

 ئەم رووداوە لە ساڵی ٢٠٠٣ روویداوە واتا موسڵمان بوونی لاوەکە ئاشکرا کردنی دووکەرت بوونی مانگ لە لایەن ناساوە.

 فقد روى الشيخان وغيرهما من حديث ابن مسعود أنه قال: انشق القمر على عهد رسول الله(صلی للە علیە وسلم) فرقتين: فرقة فوق الجبل، وفرقة دونه, فقال رسول الله(صلی للە علیە وسلم) اشْهَدُواالبخاري: كتاب المناقب، باب سؤال المشركين أن يريهم النبي صلى الله عليه وسلم آية فأراهم انشقاق القمر (1330)، ومسلم: كتاب صفات المنافقين وأحكامهم، باب انشقاق القمر (2800).

 نشرت وكالة الفضاء الأمريكية (ناسا) في موقعها على شبكة الإنترنت صورة للقمر وقد اخترطه خط طويل من أقصاه إلى أقصاه، مؤكدة أنه أثر لانشقاق حصل في القمر قديمًا


زیاتر

Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه