بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
وتەی ناوداران لەسەر پێغەمبەر (صلی الله علیه وسلم)
 ئیسلام لە دیدی ئەواندا
13/04/2020
بینین: 405

ئیبراهیم خەلیل ئەحمەد ، قەشە بوو چەندین بڕوا نامەی بەرزی لەبواری ئاینیدا لەبەشی ئاینناسی میسری پێبەخشراوە ، ببوە موسوڵمان لە کتێبی ( محمد فی التوراه ) دەڵێت : ( پێویستە مرۆڤی موسوڵمان شانازی بە ئاینەکەیەوە بکات چونکە ئاینەکەی وەک خۆر وایە کە لەسەر موسوڵمان و ناموسوڵمان هەڵدێت ، چونکە وەک هەوای پاک وایە کە هیچ کەسێ ناتوانێ بە بێ بونی بژی و ژیان بەڕێ کات ) لا ٣٢
ڕۆم لاندۆ پەیکەرساز و ڕەخنە گری هونەری ئینگلیزی و مامۆستای زانستە ئیسلامیەکان لە سان فرانسیسکۆ لە کتێبەکەی الاسلام و العرب دا دەڵێت { کاتێک محمد صلی اللە علیە وسلم وەفاتی کرد بیر و باوەڕی یەکتا پەرستی نوێ لە ڕێگادا بوو ، کە شۆڕشێک لە ڕوی ڕۆحی ماددی ڕزگاری بکات } لا ٣٥

د. گۆستاڤ لۆبۆن ، کە بە ڕەچەڵەک نەمساوییە و سەرۆک بەشی دیراساتی ڕۆژهەڵاتە لە زانکۆی کالیفۆرنییا ، لە کتێبی { الوحدە و التنوع فی الحضارە الاسلامیە} دە دەڵێت : ئەو گۆڕانکاریەی ئیسلام توانی لە کلتوری بە میراتگری پێشینانی عەرەبی ئەنجامی بدات ، لە چوار گۆڕانکاری سەرەکی کۆیان دەکەینەوە :
١ فراوان کردنی هەست ونەستی مرۆڤایەتی و پاککردنەوەی
٢ فراوان کردنی بازنەی هزری و ئەو ئامرازانەی یارمەتی مرۆڤ دەدەن بەسەر ئەو بازنە هزرییەدا باڵا دەست بێت .
٣ هێنانەکایەی سیستمێکی سیاسی کە هاوشێوەی نەبوو کارا و چالاک بوو
٤ وێنا کردنی شێوازی نوێ بۆ ژیان . لا ٣٧

جاک ریسلەر توێژەرێکی هاوچەرخی فەرەنسییە ، لە کتێبی { الحضارە العربیە } دا دەڵێت : ئیسلام لە ماوەی پێنج سەد ساڵدا لە { ٧٠٠- ١٢٠٠ ز } توانی بەهۆی هێز و زانست و سەرکەوتوی گەورەی ژیار و شارستانێتیەکەی دەست بەسەر جیهاندا بگرێت .

جۆرج سارتۆن ڕۆژهەڵاتناسێکی بەلجیکییە ، کە دکتۆرای لە زانستە سروشتیەکان و بیرکاریدا هەیە ، لە کتێبی الثقافە الغربییە فی ریعایە الشرق الاوسط دا دەڵێت : تاکە بەرهەمێک لە بەسود و بەکەڵکترین بەرهەمە پڕ ئەنجامەکانی مرۆڤاییەتیە ، ئەویش دەرکەوتنی ئیسلامە } لا ٢٨
ویل دیورانت فەیلەسوف و نوسەری ئەمریکی لە کتێبی { قصە الحضارە } دا دەڵیت : بنچینە ڕەوشتیەکانی موسوڵمانان و شەریعەت و حوکمەتەکەیان هەموویان لەسەر بنچینەی باوەڕ دامەزرا بوون ئیسلامیش سادەترین و ڕۆشنترین ئاینە بناغەکەی بریتییە لە شایەتمانی لا الە الا اللە محمد رسول اللە .
جیفری لانک : پرۆفیسۆرێکی بواری بیرکاری ئەمریکییە ، لە کتێبی { حتی الملائیکە تسآل } دا دەڵێت : پێش ئیسلام خۆشەویستی لای من مانایەکی نەبوو بەڵام کاتێک قورئانم خوێندەوە ، هەستم کرد سۆز و بەزەییەکی بێسنور دڵی داگرتم ئیتر ئەو کاتە هەستم بەوە ، کە خەریکە خۆشەویستی دڵم دادەگرێت ، ئەوەی منی پێشڕەوی کرد بۆ ئیسلام و خۆشەویستی بێ سنوری خودا بوو کە ناتوانی لە بەرانبەریدا بەرگە بگریت . لا ٢١١
پاشان دەڵێت : ئیسلام بریتییە لە تەسلیم بون بۆ ویستی خودا ، ئەمەش بەرز بونەوەیەکی بێسنورە بۆ پلەیەکی بێئەندازەی ئاشتی و ئارامی ، بەڕاستی هەر ئیسلامە بزوێنەری هەموو مرۆڤایەتی ، پێوەندی بونێکی ئارەزوومەندانەی لاشە و دل و گیانە . لا ٧٥
لویس یونگ توێژەرێکی هاوچەرخی ئینگلیزییە لە کتێبی ( العرب و اوروبا ) دا دەڵێت : سەڕەڕای مێژووی ئەوروپی پڕ دەمارگیری و دور لە لێبوردەی ئاینی پێچەوانەی موسوڵمانان ، بەڵام تا ئێستاش ئەوروپا ڕەتی دەکاتەوە لە لێبوردەی ئاینی پێچەوانەی موسوڵمانان ، بەڵام تا ئێستاش ئەوروپا ڕەتی دەکاتەوە دان بەوەدا بنێت ، کە عەرەبەکان دەستێکی باڵایان بەسەر شارستانیەتەکەدا هەیە ڕۆلی شارستانی ئەوان پشتگوێ دەخات و لە بەهای کەم دەکاتەوە . لا ٩
محمد لە دیدی بیانیەکاندا
ن:یامن الحانە
و:مزفر عەولا قەسرێی
لاپەڕە ۹۳➖ ۹۸

زیاتر

12
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه