بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
وتەی ناوداران لەسەر پێغەمبەر (صلی الله علیه وسلم)
 ئیمیل دێرمنگهەم ڕۆژهەڵاتناسێکی فەڕەنسییە لە کتێبی ( حیاة محمد ) دا دەڵێت
25/04/2020
بینین: 256
جیهاد بۆ هیدایەت کردنی خەڵکی و موسوڵمان کردنیان ناهاتووە ئەوەتا قورئان دەفەرموێت : لاَ إِكْرَاهَ فِي الدِّينِ
البقرە ٢٥٦، واتە : زۆر لێکردن لە ئایندا نییە ، ڕێگای چاکە و خراپە بەتەواوەتی ڕون کراوەتەوە هەروەها قورئان فەرمان بە موسوڵمانان دەکات دادگەر بن و توند و تیژ نەبن .
هەروەها دەڵێت:{ لەبەر ئەوە سەرکەوتن بۆ عەرەبەکان نوسرا بوو چونکە شایەنی ئەوە بوون ، هەروەها لەبەر ئەوە بردنەوە بۆ ئیسلام نوسرا بوو چونکە ئیسلام ناونیشانی پەیامێک بوو کە ڕۆژهەڵات زۆر پێویستی پێی هەبوو ، موسوڵمانان لەبەر کۆچ کردن بۆ مەدینە زۆر ئێش و ئازاریان دی نەیان توانی بەرەنگاری ببنەوە ، بەڵام کاتێک کۆچیان کرد دوای ئەوە بەرگری کردن و سەرکەوتنە لێبوردەی فراوانیان کردە دەستوور .
پاشان دەڵێت : بەڵێ بت پەرستان هیچ جێگەیەکیان لە ماڵی ئیسلامدا نەما بەڵام بەڵام خاوەن کتێبەکان جولەکە و مەسیحیەکان مافی پاراستن و ئازادی پەرستشیان پێدرا پێغەمبەر ﷺ دەفەرموێت : من آذی ذمیّا فٲنا خصمه واتە : هەرکەسێک پەیمان بەستوویەک ئازار بدات ئەوا من دژیم لە قورئان و فەرمودەشدا زۆر فەرمان بە لێبوردەی کراوە ! ڕزگارکەران و ڕزگارکەرانی ئیسلامیش کاریان بەو بنچینەیە کردووە ! هەرگیز مێژوو ڕوداوێکی ڕاستی تۆمار نەکردووە کە موسوڵمانان گەلێکیان لە ناو بردبێت ، هاتنی پۆل پۆلی خەڵکیش بۆ ناو ئیسلام تەنها ئارەزوو بووە ، لێرەدا باسی عومەری کوڕی خەتاب دەکەین کاتێک کە قودسی ڕزگار کرد فەرمانی کرد بە خراپە نزیکی مەسیحیەکان نەکەونەوە و کڵێساکانیان بپارێزن و پیاوانی ئاینی پاراستن و ڕەتی کردەوە کە نوێژ لە کڵێسادا بکات ، نەوەک موسوڵمانان ئەوە بکەنە بیانوێک تا بیکەنە مزگەوت .
پاشان دێرمنگهەم جیاوازی نێوان فتوحاتی موسوڵمانان جەنگی خاچپەرستان دەخاتە ڕوو دەڵێت ( بە ڕاستی جیاوازییەکی زۆر بەدی دەکەین لەنێوان هاتنی موسوڵمانان بۆ قودس وەکو ڕزگارکەر و هاتنی خاچپەرستان کە دەستیان کرد بە کوشت و بڕی موسوڵمانان ! تا ئێستا کە ئەسپەکانیان تا چۆکان کەوتنە نێو گۆمی خوێن و بڕیاریاندا کە هەموو ئەو موسوڵمانانەش بکوژن کە لە کوشتارگەی یەکەم نەجاتیان بوبو .
پاشان دەربارەی بەزەی موسوڵمانان کە لە پێغەمبەری ئیسلام و شوێن کەوتوانیدا بەدیدەکرا دەڵێت : محمد دەری خست کە بەتەواوی گەشتۆتە بەرزی دەرونی کە ئەستەمە لە مێژوودا هاوشێوەی بدۆزرێتەوە ، فەرمانی بەسەربازەکانی کرد کە لەپیر و پەککەوتەکان خۆش بن و نزیکی ژن و مندال نەکەونەوە ، ئەگەداری کردنەوە کە نەکەن مالی خەڵک تێک دەن بە زۆرە ملێ شت لە بازرگانان وەرنەگرن درەختە بە بەرەکان نەبڕن و فەرمانی پێکردن لە کاتی زۆر پێویستدا نەبێت شمشێرەکانیان دەرنەهێنن ، هەروەها سەزەنشتی زۆر لەسەرکردەکانی دەکرد کە توشی هەڵە بوبان بۆی ڕاست دەکردنەوە
ڕۆم لاندۆ پەیکەرتاش و ڕەخنە گرێکی هونەری ئینگلیزیە و مامۆستای بابەتە ئیسلامیەکانە لە زانکۆی سان فرانسیسکۆ ،لە کتێبی ( الٳسلام و العرب ) دا دەڵێت : لە سەردەمانێکدا کە تاڵانکاری یاسایەک بوو کە هەموو لەشکرێک بە سەرکەوتنەوە چوبوایە ناو شارێک پەیڕەوی دەکرد ، لەو سەردەمەدا خالیدی کوڕی وەلید بەرامبەر خەڵکی دیمەشق کە دەردەکەوێت لەشکردی موسوڵمانان خۆی وەک ڕزگارکەری گەلە چەوساوەکان و لەهەمان کاتدا هەڵگری پەیامی ئیسلام هەژمارکرد .
پاشان ( لاندۆ ) شیوازی مامەڵە کردنی موسوڵمانان لەگەڵ پەیمان بەستووەکان جولەکە و مەسیحیەکان لە ژێر سایەی دەوڵەتی ئیسلامیدا دەخاتە ڕوو و دەڵێت : بە پێچەوانەی ئیمپراتۆریەتی مەسیحی ، کە هەوڵی دەدا بەزۆر مەسیحیەت بەسەر ژێر دەستەکانیدا فەرز بکات ، عەرەبە موسوڵمانەکان دانیان بە کەمینەی ئایندا نا جولەکە و مەسیحیەکان لای ئەوان بە پەیمان بەستوو یاخوود گەلە پاریزراوەکان ناسرا بوون
هامڵتۆن ئەلیکساندەر ڕۆکسین جیب ، پێشەوای ڕۆژهەڵاتناسە ئینگلیزەکانە لە کتێبی ( دراسات فی حضارة الٳسلام ) دا دەڵێت : فتوحاتەکانی ئیسلام بە جۆرێک ئەنجام دران کە بە هیچ جۆرێک ئابووری وڵاتە فەتح کراوەکانی توشی شپرزەی نەکرد و لەسەر ئەو بناغەیەش دەسەڵاتێکی ناوەندی توند و تۆڵیان دامەزراند .
د.لویس یۆنگ توێژەرێکی ئینگلیزی هاوچەرخە لە کتێبی ( العرب و اوروبة) دا دەڵێت : ئەو گیانە لێبوردەیەی ئیسلام لە سەدەکانی ناوەڕاستدا پەیڕەوی دەکرد زۆر لەو لێبوردەییە زیاتر بوو کە مەسیحیەکان لە سەدەکانی ناوەڕاستدا پەیڕەویان دەکرد ، چونکە لە سەردەمی مەسیحیەکاندا ئەستەمە هیچ ئاسانکاری و ڕەفتارێکی باش بەرامبەر جولەکەکان یان موسوڵمانان بەدی بکەی .
د.نەسیم سوسە ئەندامی کۆمەڵەی زانتی عێراقە لە کتێبی ( فی طریقی الی الٳسلام ) دا دەڵێت : واچاکە شوێن کەوتوانی موسا و عیسا چاوێک بە مێژووی ئیسلامدا بخشێنن تا هەڵوێستەیەک لەسەر ئەو فەرمانانە بکەن دەربارەی بەزەی هاتنەوە بە منداڵ و ژن و پەککەوتەوە و ئەوانەی لە دژیان ناجەنگن ، مێژوو ئەوەمان بۆ دەسەلمێنێت کە موسوڵمانان بەپێی شەریعەتەکەیان ڕۆشتوون و بە هیچ جۆرێک بە خراپە نزیکی منداڵ و ژیر و پەیر و پەککەوتەکان نەبونەتەوە زۆر بە باشی مامەڵەیان لەگەلدا کردوون تەنانەت لەو کاتەشدا کە دوژمن لە منداڵ ژن و پیر و پەککەوتەو ئەو کەسانەشی دەکوشت کە جەنگاوەر نەبوون .
هەروەها دەڵێت : ئیسلام شەریعەتی دادگەری مرۆڤایەتییە ڕیبازی نەرم و نیانی لە بانگەواز بۆ ڕاستی یەکتا پەرستی دلەکان بۆ لای خۆی ڕادەکێشێت عەقڵی مرۆڤەکان سەرسام دەکات و بێشەڕ و شمشێر خەڵک پەلکێش دەکات .
ئیڤلین گۆبۆڵد خانمێکی خانەدانی ئینگلیزییە بووەتە موسوڵمان لە کتێبەکەی ( البحث عن اللە ) دا دەڵێت : ئیسلام بەخراپە نزیکی خاوەن ئاینەکانی تر ناکەوێتەوە تەنانەت ئەوەشیان لەسەر فەرز ناکات کە هەردەبێ ئاینەکەی قبوڵ بکەن بێنە ژێر سایەی هەروەها هەرگیز دژایەتی ئەوانەی نەکردووە کە نەبوونەتە موسوڵمان و کاری بۆکوشتن و سوتاندن و سزادانیان نەکردووە وەک چۆن ڕێبازەکانی تر کردوویانە ئەو ئایەتەی قورئانی پیرۆزیش بەڵگەیەکی ڕونە کە دەفەرموێت :: لاَ إِكْرَاهَ فِي الدِّينِ
البقرە ٢٥٦، واتە : زۆر لێکردن لە ئایندا نییە

محمد ﷺ لەدیدی بیانیەکاندا
ن:یامن الحاجە
و:مزفر عەولا قەسرێی
لا:۱۱٦➖۱۲۰

زیاتر

12
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه