بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
وتەی ناوداران لەسەر پێغەمبەر (صلی الله علیه وسلم)
 ڕِۆشنبیری فه‌رِه‌نسایی لامارتین
22/03/2016
بینین: 1217

ڕِۆشنبیری فه‌رِه‌نسایی لامارتین له‌ كتێبی (تاریخ تركیا) له‌ چاپی پاریسی ساڵی ١٨٥٤، له‌ به‌شی دووه‌م، لاپه‌رِه‌ (٢٧٦-٢٧٧)دا ده‌ڵێت: ئه‌گه‌ر ئه‌و زه‌وابتانه‌ی كه‌ هه‌ن و ده‌بن به‌ پێوه‌ر بۆ بلیمه‌تیی ئینسان، ئه‌وپه‌رِی مه‌به‌ست بن، یا ئاكام و ده‌رهاویشته‌یه‌ك بن بۆ بلیمه‌تیی كه‌سه‌كان، قه‌ت به‌ هیچ چه‌شن زات ناكرێت و جورئه‌ت ناكرێت كه‌ ده‌گه‌ڵ بلیمه‌تێكی وه‌ك موحه‌ممه‌د (صلى الله عليه وسلم) به‌راورد بكرێن و ڕِووبه‌رِوو بكرێنه‌وه‌. چونكه‌ ئه‌و بلیمه‌تانه‌ی كه‌ هه‌ن و هه‌ریه‌ك به‌ چه‌شنێك ناو و ناوبانگی ده‌ركردووه‌، بلیمه‌تییه‌كانیان له‌وه‌ بووه‌ كه‌ چه‌كیان دروست كردووه، یاسا و ڕِێسایان داهێناوه‌، ئیمبرِاتۆرێتییان پێك هێناوه‌، كه‌چی هه‌موو ئه‌و كار و كرده‌وانه‌ به‌ ئاكام و سه‌ره‌نجامێكی زۆر خراپیان بردوون، كه‌ هه‌ر له‌به‌ر چاوی ناوداره‌كان خۆیانه‌وه‌ هه‌ره‌سیان هێنا. 
به‌ڵام ئه‌و پیاوه‌ ( موحه‌ممه‌د (صلى الله عليه وسلم) ) ته‌نها پێشه‌وایی سوپاكانی نه‌كرد و یاسای دا نه‌رِشت و حوكمی گه‌له‌كانی نه‌كرد و به‌س ، بگره‌ پێشه‌وایه‌تی مه‌لایین كه‌سی له‌ سه‌ر زه‌ویا كرد، كه‌ ئه‌و كاته‌ سێ یه‌كی هه‌موو جیهانی ئه‌گرته‌وه‌، ئه‌مه‌ش هه‌رنا، بگره‌ ده‌ستی گرت به‌سه‌ر هه‌موو خورافیات و ئه‌دیانه‌ پووچه‌كان، ئه‌وانه‌ی كه‌ باوه‌رِیان به‌ نوشته‌و مۆری شین و كه‌پكه‌ی شین هه‌بوو. 
ئه‌و پێغه‌مبه‌ره‌ ئارامی گرت و خۆ گری كرد، تا سه‌ركه‌وتنی له‌ خواوه‌ پێ به‌خشرا، له‌ ته‌ماح و خواسته‌كانی ئه‌و پێغه‌مبه‌ره‌ (صلى الله عليه وسلم) بۆ یه‌ك شت بوو كه‌ هه‌نگاوی بۆ ئه‌هاویشت، خۆ ئه‌و ئاواتی ئه‌وه‌ی نه‌بوو كه‌ ئیمبراتۆرِیه‌ت درووست بكات، یان هه‌ر شتێكی تر له‌و باره‌وه‌، هه‌تا نوێژه‌كانی و دوعاو پارٍانه‌وه‌كانی له‌ به‌رده‌م په‌روه‌ردگاری و مردن و وه‌فات كردنیشی و سه‌ركه‌وتنی ئایینه‌كه‌شی له‌ دوای مردنیشیه‌وه‌، هه‌موو ئه‌وانه‌ ئه‌وه‌ی نیشان ئه‌دان كه‌ ئه‌م پیاوه‌ فێڵ زان و مه‌كر باز نه‌بووه‌‌ به‌ هیچ جۆر، بگره‌ یه‌قین و دڵنیایی و رِاست گۆیی ئه‌و بوو كه‌ گرِو تینێكی پێ دابوو كه‌ ئاقیده‌و بیرو بۆچوونه‌كه‌ی له‌ دوو لاینه‌وه‌ جێگیر بكات، كه‌ بریتی بوون له‌ یه‌كتایی خواو ئیمان، وة ئاقیبه‌تی موخاله‌فه‌ كردنی ئه‌و خوایه‌ ( كه‌ چی له‌ ده‌رنجام پێ نیشان ئه‌درێته‌وه‌).

زیاتر

12
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه