بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
وتەی ناوداران لەسەر پێغەمبەر (صلی الله علیه وسلم)
 تێڕوانینی چەند زانایەکی بیانی دەربارەی پێغەمبەر (صلی اللە علیە وسلم )
19/03/2020
بینین: 262
جۆرج سارتۆن دەڵێت : محمد تەنیا پێغەمبەری ئیسلام نەبوو ، بەڵکو پێغەمبەری زمانی عربی و ڕۆشنبیری عربی بوو ، بە چاو پۆشی لە ڕەگەز و ئاینی قسەکەرانی
گۆستاڤ لۆبۆن پزیشک و مێژوو نووسی فەرەنسی ، لە کتێبی{ حضارە العرب } دا دەڵێت : خەریکە زانایانی ڕۆژئاوای ڕاشکاوانە دەربارەی محمد دەدوێن ، هەرچەندە دەمارگیری ئاینی چاوی زۆر مێژوو نوسی کوێر کردووە کە دان بە گەورەیدا بنێن لا ١١٥

ئیمیل دێرمێنگهەم ڕۆژهەڵتناسێکی فەرەنسیە ، لە کتێبی ''حیاه محمد '' دا دەڵێت : محمد لە ماریەی قیبتی ئیبراهیمی بوو ، بەڵام هەر لە منداڵیدا وەفاتی لرد ، ئەویش زۆر بۆی دڵ تەنگ بوو ، بە چاوی پڕ فرمێسکەوە خستییە ژێر گڵ لەو کاتەشدا خۆر گیران ڕووی دا ، موسوڵمانان گوتیان : خۆر لەبەر مردنی ئیبراهیم گیراوە ، بەڵام محمد بە دەرونە بەرز و باڵاکەیەوە وەڵامی دایەوە گوتی: { خۆر و مانگ دوو وەدیهێنراو و نیشانەی دەسەڵاتی پەروەردگارن ، هەرگیز بۆ مردنی هیچ کەس ناگیرێن ..} بێگومان قسەیەکی ئاوا لە دەمی کەسێکی درۆزن دەرناچێت لا ٣١٨
د. نەزمی لۆقە مەسیحیەکی میسرییە ، کەبە دیدی بابەتیانە و دڵسۆزی بۆ هەق و ڕاستی بەناو بانگە ، لەکتێبی'' محمد الرسالە و الرسول '' دا دەڵێت : چی ماوەتەوە بۆ کەسێک ، کە بانگەشەی ناڕاستی محمد دەکات ؟ باوەڕێک بەر لەوەی سەرکەوێت ، بە چەندان بەڵا دەردەسەری تاقی کرایەوە ، سەرکەوتنیش بۆ بانگخوازێکی یەکتا پەرستی لە پایتەختی بت و بتپەرستاندا شتێکی چاوەڕوا نەکراو بوو .. پاکی ئەو زاڵ بوو بەسەر هەموو سودەکانی ، بەرزیەکەی پاکتر بوو لە هەموو باق و بریقی دونیا لێبوردەییەک بە هیچ جۆرێک لوت بەرزی و خۆ بەدەسەڵات فش کردنەوەی تێنەدەکەوت لا ١٨٣ -١٨٤


1:23 PM
پاشان د. لۆقە هەندێ لەو کارانە دەخاتە ڕوو کە کەسێکی خەڵەتێنەر و درۆزن ، کە بانگەشەی پێغەمبەرایەتی بکات و ناتوانێت ئەنجامیان بدات چونکە ئەو کەسەی تەنیا بە زوبان بانگەشەی ئەوانە دەکات هەوڵ بۆ دەسەڵات دەدات و ماڵو سامان و دەسەڵاتێکی زۆر بۆ نەوەکانی جێ بهێڵێت بەڵام پێغەمبەری ئیسلام بۆ هیچ کام لەمانە هەوڵی نەداوە ، هەروەها لۆقە دەڵێت : هیچ خۆشی و دەسەڵاتێکی دنیایە بۆ نەوە و خێزانی و هۆزەکەی جێ نەهێشت ، زۆر شتی ل خۆی حەرام کرد کە بۆ شوێن کەوتوانی حەڵال کردبوو ، هەروەها هیچ کام لەو سەروەریانەی نەهێشت کە هۆزەکەی لەسەردەمی نەفامیدا بەسەر هۆزەکانی تردا هەیبوو بە جۆرێک کۆیلە و بەندەکانی هێنایە ئاستی قوڕەیش هەروەها بەهۆی نەفامیەوە خزم و کەسانی دەسەڵاتێکی ناڕەواییان دەست کەوتبوو ، بەڵام هەممو ئەوانەی لەگەڵ زەوی تەخت کردن ، چ دەسەڵاتێک دەتوانێت بەسەر ئەو سەرفرازیە بەرزە و ڕاستگۆییە حاشا هەڵنەگرە زاڵ ببێت ؟!
ئەو پێغەمبەرە لە خۆیەوە نەدواوە هەرگیز نەڕێی ڕاستی لێ ون بووە نە بیر و باوەڕی پڕ و پووچی هەڵگرتووە ئەگەر ئەو پێغەمبەرە ڕاستگۆی و دەستپێک نەبیت ئەوا هیچ کەسێک ڕاستی نەوتوە و دەسپێک نەبووە لا ١٨٥ -١٨٦
لایتنەر توێژەرێکی ئینگلیزییە ، دکتۆرای لە شەریعە و فەلسەفە و ئاینزانی هەیە لە کتێبی{ ئاینی ئیسلام} ی جۆزێف شەختدا دەڵیت بەهۆی ئەو زانیاریەی لەسەر هەردوو ئاینی جولەکە و دیانەکان هەمە دەڵێم ئەوەی محەمەد فێری بووە و گوتوێتی وەرگیراو نییە بەڵکو سروشتی بۆ هاتووە لا ٤
لایتنەر بەڵگەی لۆمەی سروشت دێنێتەوە کەلەسەر پیاوێکی کوێر لۆمەی کراوە ، هەروەک لە سورەتی ''عبس '' دا هاتووە جارێکیان سروشێکی پر لۆمە و گلەی کردن بۆ پێغەبمەر هات ، چونکە ڕوی لە پیاوێکی کوێری هەژار وەرگێڕاوە و و ڕوی لە کەسێکی دوەڵەمەند و خانە دان کردووە ئەو سروشەش بڵاو بۆتەوە و لە قورئاندا هەیە ، ئەگەر وەک هەندێک کاڵفامی دیان دەڵێن ئەو درۆزن بواوە ئەوا هەرگیز ئەو سروشە بونی نەدەبوو لا ١٣٢ -١٣٣


محمد لە دیدی بیانیەکاندا

ن: یامن الحاجە و: مزفر عەولا قەسرێ . لا ٣١ -٣٢

زیاتر

12
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه