بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
روونکردنەوەی گومانەکان
 بێدینــەکان دەلـێن کە پێغەمبـەری خوا - صلی اللە علـیە وسلم- کـەسێکـی تەبیعەت ناخۆش و تەمەل بووە لەرووی جەستەییەوە
24/07/2019
بینین: 88
وەرگێران: ڕێباز سیامند فتاح
گومانـی ژمارە {٣ } 
  بێدینــەکان دەلـێن کە پێغەمبـەری خوا - صلی اللە علـیە وسلم- کـەسێکـی تەبیعەت ناخۆش و تەمەل بووە لەرووی جەستەییەوە  ئەوەش دەکەنە بەلــگە  بۆ قسەکانـی خۆیان کە پێغەمـبەری خوا - صلی اللە علیە وسلم - مەیلـی بەرەو ئەوە دەچــوو کە بە تەنـھا بێت بۆ ماوەیەکی زۆر لە شوێنـە چۆلەکانـی مەککەدا ، وە ھەندێ لە فەرموودەکانـی ھاندەرە بۆ دوورە پەریزی و دور کەوتنەوە لە خەلکی ، بەمـەش دەیانـەوێ بدەن لـە نەرم و نیانـی و لێبوردەیەکەیی و وتە و کردارەکانـی  وە بلێن کە خوو رەوشتی جیاوازە لە خوو رەوشتی پێغەمـبەرانی تر - علیھم السلام .
رووەکانـی پووچەل کـــردنەوەی گومانـــەکە :
١- خەلوەتی پێغەمـبەری خوا - صلی اللە علیە وسلم - لە ئەشکەوتی ' حراء'ــدا مانای ئەوە نادا تەبیعەت ناخۆش و تەمەل بوبێ ، چونکە خەلوەت کــردن شتێک بووە کە باو بووە لەناو قورەیشدا ، وە ئامانجی سەروەرمان ' صلی اللە علیە وسلم' بیرکردنەوە و تێرامان بووە لە کەون و بەلگەکانی مەزنـی پەروەردگار ' جل و علــا ' .
بۆ ئەوەی ئەو گومانــە نەدرێتە پال پێغەمـبەری خوا - صلی اللە علـیە وسلم' بـــەوەی کەسێکی تەمەل بووە لە رووی تێکەل بوونـی خەلکـــییەوە  و  بە تەنـھا بوونـی  ، لە دیارتریـن راستییەکان کــە  ھاوشانـی خەلوەتەکەی بووە  ئەوە بووە کە ئەم تاکە کـەس نەبووە و یەکەم کــەس نەبووە کە ئەم کارە بکــات لەناو قورەیشدا ، بەلکـمو ئەوە عادەتێکـی رەگ کوتاو بــووە لە نێویانـدا ، چونکــە ئەو کاتەی کە پێغەمـبەری خوا ' صلی اللە علیە وسلم' خەلوەتی دەکـرد لەمانـگی رەمەزانـدا بوو ، قورەیش'ـیش ئەم کارەیان دەکــرد ، ھەروەکـو چۆن  رۆژی عاشوراء بە رۆژوو دەبوون ، لەم خەلوەتەی سەروەرمانـدا منازەعەیان نەدەکرد  و دژی نەبوون لە سەروی ئەوەشەوە کە فەزلی ھەبوو بەسەر غەیری خۆیـەوە ، چونکـــە باپیرەی کە ' عبدالملطلب'ــە یەکەم کـەس بوو کە ئەم کارەی دەکــرد لەناو قورەیشدا ، وە رێزیان دەگرت بەھۆی پلە و پایە و تەمەنە گەورەکەیەوە ،بۆیـە لەو حالەتەدا ئەوەی خوا پەرستی بکردایە ھاوشێوەی ئەوی دەکــرد ، بۆیـە پێغەمـبەری خوا 'علیە الصلاة والسلام ' ھەمان رێچکەی باپیری گرتـەبەر ، وە مامەکانـی سەلامەتیان بۆ دابین کردبوو چونکـە رێز و پلەی ھەبوو لایان  .
[ تلقي النـبی ' صلی اللە علیە وسلم ' ألفاظ القرآن ، عبدالسلام مقبل المجیدی ، مؤسسة الرسالة - بیروت ،ط١، ١٤٢١ھـ/٢٠٠٠م ، ص ٥٨ ]
٢- پێغەمـبەری خوا - صلی اللە علیە وسلم- کـەسێکــی رەوشت جوان و تێکەل بووە لەگەل ھاوەلانـی ، وە لە باشترینـی خەلکی بووە لە گەیاندنی پەیوەندی وخۆشەویستی، وە باشترینیان بووە لە بەجێ گەیاندنی پەیمان و وەعدەکانـیدا ، وە زیاترینیان بووە بۆ باسکردنی حەق و مافەکان ، وە نەرم و نیان ترینی خەلکــی بووە ، ھەتاوەکو گالتەی دەکـــرد لەگەل ھاوەلانی و حەق  راستی نەبوایە نەیدەوت .
لەو نمونانــەش ئەوەیە کە ئیمامـی ئەنەسی کوری مالک ' رەزی خوای لێبێت ' دەفەرمووێت ؛ دە سال خزمەتی پێغەمـبەری خوام کرد ' صلی اللە علـیەوسلم ' ھیچ کات نەیوت پێم ئۆف ، وە ھیچ کاتێک نەی وتووە بۆچـی ئەو کارەت کـرد یا بۆچی ئەو کارەت نەکـرد  
[ أخرجە البخاری فی صحیحە ' کتاب الأدب '  باب حسن الخلق والسخاء  وما یکرە من البخل ٥٦٩١]
وە نمونەیەکی تر  ئەوەیە ئافرەتێکـی پیر دێتە لای سەروەرمان ' علیە الصلاة والسلام ' دەلێت دوعام بۆ بکــە بچمــە بەھەشت پێغەمـبەرێ خوا ' علیە الصلاة والسلام ' دەفەرمووێت ؛ ئافرەتی پیر ناچێتە بەھەشتـەوە ، ئافرەتەکە رۆشت و گریا ، پێغەمـبەری خوا ' علیە الصلاة والسلام' رۆشت نوێژی کرد ، پاشان گەرایەوە بۆلای دایکمان عائشە رەزای خوای لێبێت ، بە سەروەرمانی فەرموو من ھەستم بە رەقی و ناخۆشی کرد لە قسەکەتدا ، پێغەمـبەری خوا ' صلی اللە علیە وسلم ' فەرمووی ؛ ئەوەی کە وتومـە وایە و راستە ، چونکە کە خوای گەورە دەیانخاتە بەھەشت گەنجیان دەکاتەوە  '
[ حسن ' أخرجە الطبرانی فی المعجم الأوسط ، الجزء الخامـس ، من اسمە محمد '٥٥٤٥'  ]
٣- پێغەمــبەری خوا ' صلی اللە علیە السلام' لە ھەندێ حالەتدا ھانـی داوین بۆ دوورە پەرێزی بۆ نمونـــە ئەگەر نەتتوانی و توانات نەبوو خراپە لەسەر خەلکـی لابدەی ، وە لە کات و زەمانـی فیتنەدا، جگە لەمانــە ھانی داوین  کە تێکەل بین لەگەل خەلکــی .
نابـێ ئێمــە بەو شێوەیە تێبگەین لەو فەرموودانەی کە ھانمان دەدەن بۆ خەلوەت و دوورە پەرێزی لە خەلـکی بەوەی یەکجارەکی واز لە خەلکـی بھێنرێ و تێکەلاویان نەکـرێ و وابزانیان خودی ئەو کارە فەزیلەت و گەورەییـــە ، چونکە چەندین فەرموودەی تر ھاتووە ھانمان دەدەن تێکەلی خەلکـی ببین 
نمـــونەیەک لەو فەرموودانەی کە باسی ئەوە دەکات تێکــەل بە خەلکـی نەبــین  ؛
پێغەمـبەری خوا - صلی اللە علیە وسلم- پێیان فەرموو ؛ کام لە خەلکـی باشترینی خەلکیە ؟ 
فەرمووی؛ ئیمانــداریک کە بە مال و نەفسی لەپێناو خوای گەورەدا دەجەنـگێ  ، فەرموویان پاشان کێ؟ 
فەرمووی ئیمانــدارێ لە شیوێ لە شیوەکاندا کە لە خوا بترسێ و خراپەی خۆی لە خەلکـی بگرێتەوە 
{ أخرجە البخاری فی صحـیحە ، کتاب الجھاد والسیر ، باب أفضل المؤمن یجاھد بنفسە ومالە فی سبیل اللە ، ٢٦٣٤ }
نمونەیەک لەو فەرموودانەی ھانمان دەدەن تێکەل بە خەلکـی ببین ؛ 
پێغەمـبەری خوا -صلی اللە علیە وسلم- دەفەرمووێت ؛ ئەو ئیماندارەی تێکەل بە خەلکی دەبێت و ئارام دەگرێ لەسەر نارەحەتیەکانیان باشترە لەو ئیماندارەی تێکەل بە خەلکـی نابێت و ئارام ناگرێ لەسەر نارەحەتیەکانیان .
{ صحیح، أخرجە أحمد فی مسندە، باب باقی مسند الأنصار ، أحادیث رجال من أصحاب النبی -صلی اللە علیە وسلم '  ٢٣١٤٧ ' }
کـەوایە راستە پێغەمـبەرێ خوا  -صلی اللە علیە وسلم-  لە ھەندێ فەرموودەکانیدا ھانی داوین لەسەر ئەوەی خەلوەت بکەین و دوور بگرین لە خەلکی، بەلام ئەمە بە گشتی نییە بەلکو پەیوەستە بە چەند کاتێکەوە ، وەكو كاتی بلاوبونەوەی فیتنە و دەرکەوتنی دەسەلاتداری خراپ ، ئەوەشی کە ئەمە دووپات دەکاتەوە ئەو فەرموودانەیە کە ھانمان دەدا لەسەر تێکەل بوون لەگەل خەلکیدا، وە ھیچ دژیەک نین بەلکو یەکتری تەواو دەکەن .
سەرچــاوە ؛ موقع بیان الإسلام لـرد الشبھات والإفترائات حول الإسلام
 

زیاتر

1
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه