بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
روونکردنەوەی گومانەکان
  گومان لە ڕاستگۆیى پێغەمبەر (صلى الله علیه وسلم)
24/07/2019
بینین: 94

وەڕگێڕانى / ڕێباز سیامند فتاح
گومانـی ژمارە {٤} ؛
 ھەندێ لە بێباوەران بانگەشەی ئەوە دەکەن کە پێغەمـبەری خوا - صلی اللە علیە وسلم - درۆزن بووە و خراپەکار بووە  ئەوەشی دەیکەنە بەلگە بەدەستیانەوە ئەوەیە کە دەلێن لە سەرەتای دەستپێکردنی بانگەوازەکەیەوە وای پێ وتراوە ' لە تێروانینی خۆیانەوە' وە عەرەبی سەردەمى جاھلی لەم قسەیەدا کۆکن بە تێپەربوون بە ئەھلی کتاب لە ئەوروپا لە سەدەکانی ناوەراست تاوەکو ئەم سەردەمـــە ، کە ئێستاش بەو سیفەتە باس دەکرێ کە خراپەکاری و درۆیـــە ' لە لای ھەندێ لە بیرمەنــدە سەردەمیەکانیان ، لە پشتی ئەمەشەوە دەیانەوێ تەعن لە ڕەوشتی سەروەرمان بدەن ' علیە الصلاة والسلام ' .
ڕووەکانـی پووچەڵ کردنەوەی گومانـــەکە ؛
١- بەڕاستی ڕاستگۆیی پێغەمـبەری خوا ' صلی اللە علیە وسلم ' وون و ئاشکرا و دیار بوو لەلای ئەھلی مەککە کە ھەندێکیان بێباوەریش بوون بە پەیامەکەی ، وە بەردەوامیش بووە لەم رەوشتە جوانەی کە راستگۆییە بۆیە ناویان نا موعجیزەی یەکەمــی چونکە بووە ھۆکارێ بۆ ئەوەی بەشیکی زۆر لە خەلکی شوێنی پەیامەکەی بکەون بە چاولێکردنی رەوشتی خاوەنەکەی .
شیخ الإسلام ابن تیمیة دەفەرمـــووێت ؛  پێغەمبەری خوا -صلی اللە علیە وسلم - لە تەواوترینی خەلکی بوو لە ڕووی پەروەردە و گەشەکردنــەوە ، وە بەردەوام بە راستگۆیی و چاکەکاری و دادپەروەری  و ڕەوشتە جوانەکــان   و پشت ھەڵکردن لە خراپە وستەم  و ھەر شتێ کە بێزراوبێ 'ناسراوبــوو ، شایەتی ئەوەی بۆ دراوە لەلایەن ھەر کەسێک کــە ناسیبێتـــی پێش پێغەمــبەرایەتی  وە ھەر کەسێک کە ئیمانـی پێ ھێنابێ یا بێباوەر بوبێ لەدوای پێغەمـبەرایەتی ، ھــیچ ڕەوشتێک یا شتێکی تێدا نەبوو کە بەھۆی ئەوەوە دژایەتی بکرێ نە لە گوفتارەکانیدا وە نە لە کردارەکانـیدا وە نە لە ڕەوشتیدا  ، ھەرگیز درۆیەکی لێ نەبینراوە وە ھیچ ستەم و خراپەیەکی لێ نەبینراوە .
{ الجواب الصحيح لمن بدل دين المسيح ، ج ٥، ص ٤٣٨ ، ط ؛دار العاصمة- السعودية ، ١٤١٩هـ/١٩٩٩م }
ڕاستگۆیی یەکەم معجزەیە کە ھانى خەڵکــیدا ئیمان بھێنن  بە پەیامـی محمد'یی ' علیە الصلاة والسلام '  وە بەردەوام ئەم راستگۆییە یەقینـی پەیداکردبوو لەناو کۆمەلگای مەککەدا ، سەرەڕای ئەوەشی بێباوەر بوون بە پەیامەکەی بەلام بەردەوام یەقینیان ھەبوو کە ڕاستگۆیـــە ، ھەتاوەکو پەیامـی قورئانیش ھات ئەم راستیەی جەخت کــردەوە  {قَدْ نَعْلَمُ إِنَّهُ لَيَحْزُنُكَ الَّذِي يَقُولُونَ ۖ فَإِنَّهُمْ لَا يُكَذِّبُونَكَ وَلَٰكِنَّ الظَّالِمِينَ بِآيَاتِ اللَّهِ يَجْحَدُونَ 
[Al-'An`am 33] 
به‌ڕاستی چاک ده‌زانین که گوفتاری نادروستی خوانه‌ناسان غه‌م و په‌ژاره‌ت بۆ پێش ده‌هێنێت، چونکه به‌ڕاستی ئه‌وانه وه‌نه‌بێت تۆ به‌درۆزن بزانن، به‌ڵکو سته‌مکاران هه‌ر داننانێن و ئینکاری ئایه‌ت و فه‌رمانه‌کانی خوا ده‌که‌ن.
{ النبوة المحمدية ، دلائلها وخصائصها ،د.محمد سيد أحمد المنير ،دار الاعتصام،ط٣، القاهرة ،١٤٢١هـ /٢٠٠٠مـ ، ص ٣٤-٣٥ }
٢-  ئەو دژیەکەی لە مەوقیفی ھاوەڵ دانەرەکان ھەبوو بەرامبەر پێغەمـبەری خوا -صلی اللە علیە وسلم -لە پیش ناردنی وەکو پێغەمـبەر و دوای ناردنـی ھۆکارەکەی ئەو یەکتاپەرستیە بوو کە پێغەمبەری خوا بانگەشەی بۆ دەکـــرد چونکە دەبووە ھۆی تێکشکاندنی بیروباوەری خۆیان و باوباپیرانیان ، کاری ئەمان و مەوقیفیان ھاوشێوەی ئەوانەی پیش خۆیان بووە کە بە درۆ خستنەوەی پێغەمـبەران بووە ، ئەمەش ئەوە دووپات و دڵنیا دەکاتەوە کە .ئەو ڕەوشتانەی پێغەمـبەری خوا -صلی اللە علیە وسلم- وەسفی پێ کرابوو لە پێش ناردنی وەکو پێغەمـبەر  ،دوای ناردنی  زیاتر بەرەو کەمال و تەواوبوون ھەنگاوی نا  
نمـــونەیەکیش لەم حالەتە دژیەکەی بێباوەران بریتییە لە مــوسولمان بوونـی عبداللە کوری سەلام ' عەوفی کوری مالک دەفەرمـووێت من و پێغەمـبەی خوا' صلی اللە علیە وسلم ' ڕۆشتین ڕۆژێک تاوەکو گەشتینــە کەنیسەیەکی    جولەکەکان لە مەدینــە و ئەو ڕۆژە جەژنیان بوو ، پێیان خۆش نەبوو بچینە ژورەوە بۆلایان ، پێیانـی فەرموو' ئەی گرۆی جولەکەکان  دوانزە کەسم نیشان بدەن کە شایەتی دەدەن ھیچ خوایەک نێە بە حەق شایستەی پەرستن بێت و محمد نێردراوی خوایـە  ئەوا خوای گەورە ئەو توڕەییەی لەسەرتان دایناوە لایدەدا لەسەر ھەموو جولەکەیەک کە لە ژێر ئاسمانـدایە ، بێدەنـگ بوون و ھیچ کامیان وەلامـی نەدایــەوە  ، پاشان پێی وتن  دووبارە بەڵام ھەر وەڵامیان نەدایەوە ، پاشان پێی وتن؛  من 'الحاشر'ـم واتە خەڵکـی لە ژێر پێی من زیندوو دەکرێنەوە ، بەو مانایەی بۆ ئەوە نێردراوە کە لە دوای ئــەم ئیتر تەواو خەلکی زیندوو بکرێنەوە ، وە مـن کۆتایی پێغەمـبەرانم و پێغەمـبەری ھەڵبژێردراوم ، ئەگەر بڕوا بھێنن یا بەدرۆشم بخەنەوە  ، پــاشان پشتی ھەڵکرد و مـنیش لەگەلی بووم ھەتاوەکو نزیک بوو لەوەی دەربچێت  کەسێک لە دواوە بانـگی کــرد کامتان محمدن!؟ وتم ئەو کـەسەیـە ،  پاشان وتی بە جولەکەکان ' ئێوە مـن بە چۆن پیاوێ دەناسن تیاتانا ئەی جولەکەکان ؟ ، وتیان ' نازانین کەسێک ھەبـێ تیامانا لە کتێبەکەی اللە ' تەورات' شارەزاتر بێت زیاتر لە تۆ ، وە تێگەشتوو تر بێت لە تۆ و لەباوکت  و باپیرت پێش تۆ ،  وتی؛ دەی کەوایە مـن شایەتی  دەدەم بە اللە بەوەی ئەم نێردراوی اللە'ـیە کە لە تەوراتدا باسکــــراوە ، ئەوانـیش پێیان وت درۆت کـــرد ، وە ئەو قسەیان دووبارە کردەوە  و قسەی خراپیان دەربارەی کـــرد ، پێغەمـبەری خوا 'صلی اللە علـیە وسلم' فەرمــووی ؛ درۆتان کرد و قسەتان وەرناگیرێ ، پێشتر وەسف و سەنای باشتان دەکـرد بەڵام کە موسولمان بوو قسەی خراپی پێ دەڵێن ، قسەتان وەرناگیرێ 
{ صحیح ، أخرجـە أحمــد فی مسنـدە ، باقی مـسند الأنــصار ' ٢٤٠٣٠ ' وصححە الألبانـی فی صحیح السیرة النــبویة '٨١/١'  } 
٣- کەسێک کە تێڕوانێ بە ئینسافەوە بۆ سروشتی  ئەوەی کە دەقەکانی پەیامی پێغەمبەر -صلی اللە علیە وسلم- لە قورئان و سوننەت  بەوەی تێیدایە لە فەرمان کردن بە ڕاستگۆیی وە زەم کردنی درۆ و ڕێگری کردن لێی لە ڕویەکەوە  ، وە کۆی ئەوەی کە بیرمەندە رۆژئاواییەکان دانیان پیدا ناوە لە حەقی پێغەمـبەرێ خودا -صلی اللە علیە وسلم- لە بەرامبەر ئەوانەی دژی ئەمان بوون دەمانگەیەنێتە ئەو یەقینەی کە ھیچ گومانێک نییە لە ڕاستگۆیی کۆتایی پێغەمـبەراندا -علیھم الصلاة والسلام .
کــەسیک کە تێڕوانــێ بۆ قورئان و سوننەت بە جوانـی دەبـینێ کە ڕەوشتی پێغەمـبەری خوا' صلی اللە علیە وسلم' بریتی بووە لە ڕاستگۆیی و ھاندان بۆ ڕاستگۆیی  و خۆ پاراستن لە زەرەرەکانی زمان ھەرکاتێک بوبـێت  ، ئەوەشی ھانـی خەڵکی داوە مـوسولمان ببن راستگۆییەکەی سەروەرمان بووە ' صلی اللە علیە وسلم '  ھــەر بۆیـــە کاتێک ھیرەقل پرسیار دەکات لە ئەبو سوفیان و دەڵێ فەرمانتان پێ دەکات بــە چــی ؟ ، ئەویش دەلێت ' فەرمانمان پێ دەکات بــەوەی دەڵێت اللە بپەرستن بە تەنـھا و شەریکی بۆ بڕیار مەدەن  ، وە وازبھێنن لەوەی باوباپیرانتان دەیلێن ، وە فەرمانمان پێ دەکات بە نوێژ و ڕاستگۆیی و داوێن پاکـی و گەیاندنی پەیوەندی خزمایەتی .
{ أخرجــە البخاری فی صحیحــە ، کتاب بدء الوحی ، باب کیف کان بدء الوحـی  إلی رسول اللە' صلی اللە علـیە وسلم  رقم ' ٧' } 
ھەروەھا دایکمان عائــشة - رەزای خوای لێبێت - بۆمان دەگێرێتەوە و دەفەرمووێت؛ ھیچ ڕەوشتێک بە قەد درۆکردن بێزراو نەبوو لەلای پێغەمـبەری خوا' صلی اللە علـیە وسلم ' ، کەسێک درۆی بکردایە لەلای پێغەمبەری خوا' صلی اللە علیە وسلم' ئەوا بەردەوام ئەوەی لەیاد دەبوو ھەتاوەکو دلنیا دەبوو لەوەی ئەو کەسە تەوبەی کـردووە  .
{ صحیح ، أخرجـــە أحمد فی مسنـدە ، باقی مسند الأنصار ، حدیث السیدة عائـشة '٢٥٢٢٤ ' وصححە الألبانـی فی سلسلة الصحیحـة '٢٠٥٢ ' } 
وە ھەروەھا درۆکــردن حەرامـــە لە شەریعەتی ئیسلامدا ئەگەر بۆ گاڵتەش بێت، سەروەرمان دەفەرموویت' صلی اللە علیە وسلم ' ؛  بەندە ئیمانـی تەواو ناھێنێت هەتاوەکـــو واز لە درۆ نەھێنـێت بە گاڵتەش بێت، وە تاوەکو واز لە دەمە دەمە نەھێنێ ئەگەر ڕاستگۆش بێت .
{ صحیح لغیرة ، أخرجـــە أحمـد فی مسنــدە ، مسند المکثرین من الصحابة ، حدیث أبی ھریرة ' ٨٦١٥ '  وقال عنە الألبانی فی صحیح الترغیب والترھیب  صحیح لغیرە ' ٢٩٣٩' }
سەرچــاوە ؛ موقع بیان الإسلام لـرد الشبھات والإفترائات حول الإسلام
وەرگێرانـی : ڕێبــاز سیامـنـد فتاح 
بەرواری :١٨/شوال /١٤٤٠ کۆچــی - ٢٢/٦/٢١٠٩ میلادی

زیاتر

1
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه