بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
روونکردنەوەی گومانەکان
 پێغەمبەری خوا علیه السلام بۆ ئەوە نێردراوە کە پایەکانی ڕەوشت و ئەخلاق تەواو بکات ، وە بە ڕاستگۆ و دەستپاک ناسراو بووە
19/10/2019
بینین: 235

خودی پێغەمبەری خوا علیه السلام هەواڵی بەوە داوە کە بۆ تەواوکردنی پایەکانی خو ڕەوشت و ئەخلاق نێردراوە تاوەکو ببێتە نمونەیەکی چاولێکراو ، درێژە پێدەری رێگای پێغەمبەران بێت علیهم السلام لە بانگەوازی و چاکەکاری ، هەروەکو چۆن فەرموویەتی { بۆ ئەوە نێردراوم کە پایەکانی ڕەوشت تەواو بکەم } لە ریوایەتێکی تردا فەرموویەتی { بۆ تەواوکردنی جوانیەکانی رەوشت نێردراوە } [ رواە أحمد - ٨٩٥٢ ] 


ڕاستگۆیی و دەست پاکی دوو سیفەت و ئاکاری چەسپاو بوون لە ژیانی پێغەمبەری خوادا علیە السلام ، گەلەکەشی یەقینە و متمانەی تەواویان بەم ڕاستییە هەبوو ، هەر خودی پێغەمبەری خوا علیه السلام هانی خەڵکی دەدا بۆ بە دەست هێنانی ئەم دوو سیفەتە و ئاکارە وەکو چۆن لە { صحيح البخاري -٢٦٨١ } هاتووە 

وە پێیان دەوت : لە تۆ ڕاستگۆ ترمان نەدیوە { البخاری -٤٧٧٠ } 

وە کاتێک هیرەقل پرسیاری لە ئەبو سوفیان کرد دەربارەی پێغەمبەری خوا علیه السلام وتی : ئایا پێش ئەوەی ئەم وتانەی بڵێ تۆمەتی درۆتان دەدایە پاڵی ؟ وتی : نەخێر ، وتی. : کە درۆ لەگەل خەڵکی نەکات ئەوا بە دەم خوایشەوە نایکات. { البخاري -٧ ٫. مسلم - ١٧٧٣ } 

وە خەڵکی مەدینەش پێداویستیەکانیان لەلا دادەنا و بە دەست پاک ناویان دەهێنا { رواه أحمد - ١٥٥٠٤ } 




______________

نووسینی : ڕێباز سیامند فتاح

سەرچاوە : السيرة النبوية في دقائق - لاپەرە ٣٤

١٩/صفر / ١٤٤١ هجری _ ١٨/١٠/٢٠١٩

زیاتر

1
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه