بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
روونکردنەوەی گومانەکان
 بانگەشەی ئەوەی گەشەکردنی کۆمەڵایەتی پێغەمبەری خوا - صلى الله عليه وسلم- هاندەری بووە بۆ ئەوەی پلانی چاکەکاری دابنێ
04/10/2019
بینین: 69

گومانەکە : 

هەندێ لە گومانکەران بانگەشەی ئەوە دەکەن کە پێغەمبەری خوا علیه السلام لە کەشێکی کۆمەڵایەتی نزمدا ژیاوە کە ئەمەش بووەتە هۆکاری کە گۆڕانکاری بکات لە ئاستی حاڵەتی کۆمەڵایەتیەکەی ، بۆیە دەستگرتوو بووە بەوەی بازرگانی بکات بە ماڵی حەدیجەوە - ڕەزای خوای لێبێت - هەروەکو چۆن بەهۆی مال و سامانەکەیەوە زەواجی لەگەڵ کرد چونکە لە مەککە بوو دواتریش ڕۆشت پلانی چاکەکاری دانا لە رووی کۆمەڵایەتییەوە ، بەڵگەی ئەوەش بانگەوازی کردنیەتی بۆ یەکگرتنی دین وە ڕاکێشانی خەڵکی بۆی ... 

پووچەڵ کردنەوەی گومانەکە : 

١- لە ڕووی مێژوویەوە جێگیر بووە کە پێغەمبەری خوا علیه السلام. لە بنەچەیەکی زۆر خانەدان بووە ، وە گەشەکردنەکەی لە سروشتێکی پاک و چاکەوە بووە ، پێغەمبەری خوا علیه السلام لە بەنی هاشمە ، ئەوانیش لە خانەدانەکانی عەرەبن
بەڵگەش لەسەر ئەم قسانەمان ئەوەیە کە کاتێک هیرەقل پرسیار لە ئەبو سوفیان کرد کە نەسەبی ئەم پێغەمبەرە چۆنە لە ناوتاندا !؟ ، وتی : خانەدانە و خاوەن نەسەبە ، دواتر هیرەقل وتی پرسیارم کرد دەربارەی نەسەبی، وتت خاوەن نەسەبە ، پێغەمبەرانیش وان لە خانەوادەی خاوەن نەسەبە هەڵدەبژێردرێن . 
{ أخرجه البخاري في صحيحه ، كتاب بدأ الوحي ، باب كيف كان بدأ الوحي إلى رسول الله - ٧ } 

٢- هەتیوی یان فەقیری پێغەمبەری خوا علیە السلام ناکرێتە خاڵێک کە بەهۆیەوە بانگەوازەکەی ڕەت بکەیتەوە ، چونکە ئەمانە نابنە هۆی خراپ بوونی نەسەب ، بۆیە ناگونجێ بۆ کەسێکی عاقل بڵێ ئەم دووانە هۆکارن بۆ کەمی باری کۆمەڵایەتی ، هەر بۆیە کاتێک ئەبو تاڵبی مامی دەستی کرد بە باسکردنی شەرەف و تەسەلی پاکی هیچ کەس دژایەتی نەکرد 
{ السیرة النبوية في ضوء القرآن والسنة - ٢٢٠/١ } 

٣- پێغەمبەری خوا علیه السلام پێداگری نەبوو لەسەر بازرگانی کردن بە ماڵی خاتوو خەدیجە، بەلکو خاتوو خەدیجەی خودی خۆی داوای ئەوەی لێکرد بازرگانی بۆ بکات بەهۆی ئەو ڕاستگۆیی و دەست پاکیەی تێیدا دەیبینی ، پاشان هەر خودی ئەو بوو داوای ئەوەی کرد پێغەمبەری خوا علیه السلام زەواجی لەگەڵ بکات 
{ وقفات تربوية مع السيرة النبوية - لاپەرە ٥٨ و ٥٩ }. 

٤- بانگەوازی پێغەمبەری خوا علیه السلام بۆ یەکگرتنەوەی دین سروشتێکی ئیلاهی بووە لەلایەن پەروەردگارەوە بۆ دەرهێنانی گەلەکەی و مرۆڤایەتی بە گشتی لە تاریکایی شرک و گومرایی بۆ رووناکی ئیسلام و یەکتاپەرستی ، وە ئەمەش دانانی پلانێکی تاک لایەنی خۆی نەبووە بۆ چاککردنەوەی بواری کۆمەڵایەتی ، ساڵان تێپەر بوو وە بانگەوازی پێغەمبەری خوا علیه السلام گەشتە هەموو وڵاتان .
{ السیرة النبوية في ض ء للقرآن والسنة - ٢٤١/١ } 
______________________
سەرچاوە ؛ موقع بیان الإسلام
وەرگێڕانی ؛ ڕێباز سیامند فتاح 
بەرواری ؛ ٤/ صفر /١٤٤١ - ٣/١٠/٢٠١٩

زیاتر

1
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه