بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
روونکردنەوەی گومانەکان
 تەعندانی بێباوەران لە ئەمانەتی پێغەمبەری خوا - صلی اللە علیە وسلم- لە گەیاندنـی پەیامەکەی
09/08/2019
بینین: 114


بێباوەران بانگەشەی ئەوە دەکەن کە پێغەمـبەری خوا - صلی اللە علیە وسلم- بە سروشتی مرۆڤ بوونی خۆی ھەندێ لە وەحیی شاردۆتەوە لە ترسی ئەوەی بێباوەران بروای پێ نەھێنن ، وە باسی ئەوەی نەکردووە دینەکەی کامل و تەواوە ئیللا دوای ئەوە نەبێ زال بووە بەسەر گاور و جولەکەکانا ، بەمەش دەیانەوێ تەعن بدەن لە ئەمانەتەکەی بەوەی ھەندێ شتی شاردۆتەوە و ھەندێکی دەرخستووە .

پووچەل کردنەوەی گومانەکە ؛

١- ئەمانەتی پێغەمـبەری خوا - صلی اللە علیە وسلم - شتێکی روون و ئاشکرایە و گومان لە ئەمانەتی نیە ، ئەسلەن لەناو بێباوەراندا پێش ئەوەی وەحیی بۆ بنێردرێ بە  راستگۆ و دەستپاک« أمـین» ناسراوە ، کەسێک کە خەلکی خەلەلێکیان لێ نەدیبێ لە حەقی دونیاییاندا لە رووی ئەمانەتەوە چۆن خیانەت لە ئەمانەتی ئیلاھیی دەکات ؟ ، ئەمە جگە لەوەی بە دەقی قورئان و کۆدەنگی ئوممەت و سەیرکردنی ژیاننامەی ، ئەم راستیەمان بۆ دەردەکەوێ .

٢- بوونی کۆمەلە ئایەتێک لە قورئاندا  کە ئاماژە دەکەن بەوەی پێغەمبەری خوا - علیە السلام - دژی بێباوەران وەستاوەتەوە وە بیروباوەر و پەرستراوەکانیانی بە پووچ و بێ نرخ داناوە   وە  ئاگاداری کردنەتەوە بە ئاگری دۆزەخ لە قیامەتدا ، بەلگەیەکی روونە کە لە بێباوەران نەترساوە  وە نەشترساوە بەھۆی دژایەتی کردنیانەوە بۆی .

٣- ئەگەر وامان دانا کە پێغەمـبەری خوا - علیە السلام - نزیک بووە لە گاور و جولەکەوە  ، کەوایە بە قسەی ئێوەبێت بۆچی ئەو ئایەتانەی نەشاردەوە کە بە ئاشکرا نەفرەت لە جولەکەکان دەکات« ولعنـوا بما قالـوا » ؟ ،  وە بۆچی ئەو ئایەتانەی نەشاردۆتەوە کە باسی ئەوە دەکا بیروباوەری گاورەکان پووچە دەربارەی عیسا علیە السلام بەوەی  دەلێن خودایە  « ما المسیح ابن مریم إلا رسول قد خلت من قبلە الرسل » !؟ .

——————————————

سەرچاوە ؛ موقع بیان الإسلام 

وەرگێرانی ؛ رێباز سیامـند فتاح 

٧/ ذی الحجة /١٤٤٠ - ٨/٨/٢٠١٩
 

زیاتر

1
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه