بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
روونکردنەوەی گومانەکان
 ئایا پێغەمـبەری خوا - صلی اللە علیە وسلم- ناپاک و بکوژ بووە ؟
15/08/2019
بینین: 61

ھەندێ لە بێباوەران پێغەمبەرمان - علیە السلام- تاوانبار دەکەن بەوەی ناپاک و بکوژ بووە  ، ئەوەش دەکەنە بەلگە بە دەست خۆیانەوە کە پێغەمـبەری خوا - علیە السلام - أبا نائلة دەنێرێ بۆ کوشتنی کەعبی کوری ئەشرەفی یەھودی بە ناپاکی، دەیانەوێ بەم گومانە و بەم ناحالی بوونەیان گومان لە دلی موسولماناندا دروست بکـــەن .

پووچەل کـــردنەوەی گومانـــەکە ؛ 

١- بە وەفا بوون بەرامـبەر پەیمان و ئەمانـەتەکان یەکێکە لە ئاکارە ئیسلامــییەکان کە زۆر جەختی لەسەر کراوەتـەوە ، نەک ھەر ئەوە بەلکــو پێغەمـبەری خوا - علیە السلام - بەو سیفەتە جوانە ناوی دەرکــردووە لە پێش ناردنی وەکو پێغەمـبەریش ،  نادۆزرێتەوە لە ژیاننامەیدا کە پەیمانێکی ھەلوەشاندبێتەوە بەرامبەر ئەو کەسەی پەیمانـی پێداوە ھەتاوەکو بەرامـبەر دەست پێشخەر نەبوبێ 
پەروەردگار دەفەرمووێت { إن اللە یأمــرکم أن تؤدوا الأمانات إلی أھلـھا  }  ' النساء ؛٥٨ ' ، واتە ؛ پەروەردگار ' تبارک وتعالی' فەرمانتان پێ دەکات کە ئەمانەتەکان بگەرێننەوە بۆ خاوەنەکانیان .
ھەروەھا  پەروەردگار ' تبارک وتعالی' دەفەرمووێت { یا أیھا الذین ءامـنوا لا تخونوا اللە والرسول وتخونوا أماناتکم وأنتم تعلمـون } ' الأنفال؛٢٧' 
واتە ؛ ئه‌ی ئه‌وانه‌ی باوه‌ڕتان هێناوه‌: خیانه‌ت مه‌که‌ن له خواو له پێغه‌مبه‌ر(صلى الله عليه وسلم) (به‌وه‌ی که‌م ته‌رخه‌میتان له فه‌رمانبه‌رداریاندا)، هه‌روه‌ها خیانه‌تیش مه‌که‌ن له ئه‌مانه‌ت و سپارده‌کانتان که پێتان ده‌سپێردرێت، له‌کاتێکدا که ئێوه ده‌زانن (ئه‌و کاره‌تان خیانه‌ته‌).
ھەروەھا پێغەمـبەری خوا - علیە السلام- دەفەرمووێت { آیة المنافق ثلاث؛ إذا حدث کذب ، وإذا وعد أخلف، وإذا ائتمن خان } 
واتە ؛ نیشانەی کەسی دوو روو سێ شتە ؛ ئەگەر قسەی کرد درۆ دەکات، ئەگەر پەیمان و بەلێنی دا نایباتە سەر ، ئەگەر ئەمانەتێکی لا دابنرێ ناپاکی دەدا بەرامبەری .
' صحيح البخاري  كِتَابٌ : الْإِيمَانُ  بَابُ عَلَامَةِ الْمُنَافِقِ.'  فەرموودەی '٣٣' بەرگی'١' لاپەرە '١٦'

وەکو وتمان پێغەمـبەری خوا - صلی اللە علیە وسلم- ھیچ کاتێک دەست پێشخەر نەبووە بۆ شکاندنی پەیمان و بەلێنێک کە داویەتی ، بەلام ئەگەر کەسێک پەیمانی شکاندبێت بەرامبەری ئەوا ئەم بنچینەی بۆ بەکارھێناوە ' الجزاء من جنس العمل'  پاداشت لە خودی کارەکەیە کە بەرامبەر کردوویەتی ' واتە وەکو ئەو چی کردووە وای بەرامبەر دەکرێ ' ،  وەکو لە پەیمانی حودەیبیە و بنی نضیر و بنی قریظة روونــە .

٢- کوشتنی کەعبی کوری ئەشرەف وەکو ئەو بنچینەیە کە باسمان کرد ' الجزاء من جنس العمل'  ، کەعبی کوری ئەشرەف یەکێک بووە لەو بێباوەرانەی کە زۆر ئازاری پێغەمـبەری خوا - علیە السلام - و ھاوەلانی دەدا  ، وە ھانی گەلەکەی کە جولەکەکان بوو دەیدا  بۆ ئەوەی پەیمانەکەیان لەگەل پێغەمـبەری خوا - علیە السلام- بشکێنن  وە ھەروەھا ھانی بێباوەرانی دەدا بۆ جەنگان دژی موسولمانان بۆیە کوژرا چونکــە  ئەوە عاقیبەتی ھەر کەسێک دەبێ کــە ستەمکار بێت و دژی حەق بێت لە دونیا پێش قیامەت تۆلەی لێ دەکرێتەوە .
———————————————
سەرچـــاوە ؛ موقع بیان الإسلام 

وەرگێرانی؛ رێباز سیامـند فتاح

١٢ / ذو الحجــة / ١٤٤٠ ھجـری-   ١٣/٨/٢٠١٩ زاینی .

زیاتر

1
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه