بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
روونکردنەوەی گومانەکان
 وەلامـدانەوەی گومانـەکان لەسەر پێغەمـبەری خوا - صلی اللە علیە وسلم
08/08/2019
بینین: 75

بێباوەران دەلێن کە پێغەمـبەری خوا علیە السلام  لە خۆیەوە شەرعـی داناوە  کە لەگەل کۆمەلگاکەی دەگونـجا ، لەوانەش زەکاتی داناوە  بۆ ئەوەی بە زۆر مال و سامان لە دەولەمەندەکان بسەنێ و بیدات بە ھەژارەکان ، وە دەشلێن ئەم شەریعەتەی زەکاتەی دوور نیە لە گاور و جولەکەوە وەریگرتبێت ..

پووچەلکردنـەوەی گومانـەکە ؛
١-  کۆمەلگای عەرەبی پێش ھاتنـی پێغەمـبەری خوا - علیە السلام - جیاوازیەکی چینایەتی زۆری تێدابوو  ، تێیدا دەولەمەند زیاتر دەولەمەند و ملھور دەبوو  ، وە فەقیریش زیاتە چەوساوە و زەلیل دەبوو  ، ئەسلەن ئەوکات باسی زەکاتیش نەبوو کەوایە چۆن دەکرێ زەکات رێگرییەک بوبێ لە سروشتی ئەوکاتـەی کۆمەلگا ؟

٢-  خودی زەکات لە مەککە فەرز نەکرا بەلکـو لە مەدینە لە سالی دووەمی کۆچی پێغەمـبەری خوا - علیە السلام- فەرز کرا  ، ئایا دەکرێ لەم سات و وەختەی فەرز کردنیدا کەسێک بێت و بلێ بۆیە زەکات دانراوە تاوەکو  ھاوکاری ھەژارە بێبەشەکانی مەککە بدا ؟ 

٣- پێغەمـبەری خوا- صلی اللە علیە وسلم-  لە خۆیەوە شەرعی بۆ گەلەکەی دانەدەنا تاوەکو خوای گەورە فەرمانی پێ نەکردایە ، وە داری ھەرەشەکردن و لێپێچینەوە و ئاگری نەگرتبووە دەستیەوە  بۆ ئەوەی ببێتە ھۆکاریک بۆ خستنە سەری پالەپەستۆی رۆحی  و جێبەجێکردنی ئەوەی لە خۆیەوە بە شەرع داینابێ ! 

٤- کـەسێک وەستابێ بۆ تێگەشتن لە ئامانجەکانی پەروەردگار لەوەی زەکاتی بە شەریعەت داناوە لە رویەکەوە ،  وە لە روویەکی ترەوە خوێنەری ئەو شوێنەوارانەی ئەم حوکمـە بێت  لە کۆمەلگای موسولمانانا ئەوا بێگومان دلنیایی بۆ دروست دەبێ لەوەی زەکات شەریعەتێکە لەلایەن پەروەردگارەوەیە ، ھیچ مرۆڤێک بەشدار نیە تیایدا کەم بن یا زۆر ، پێغەمـبەر بێت یا جگە لە پێغەمـبەر .

٥-  ھەمـوو دینە ئاسمانـییەکان و ئەوەشی تیایەتی لە حوکم و شەریعـەت  کە پەروەردگار بە وەحیی ناردویەتی بۆ ھەلگرانی  ھەمووی لەلایەن پەروەردگارەوەیە ' جل جلالە ' ، کەوایە مانای ئەوە دەدات بنچینەیەکە یەک بنچینەیە ،   ھیچ کێشەیەک نیە کە ھەندێ جار کۆمەلە شتێ ببینین لە دوو دیندا یا زیاتر ھەبێت ،  چونکە ھەردووکی لە یەک چرا و سەرچاوەوە دەرچووە  ،  بەلام ئەم لێکچوونە دەبێتە ھۆی دلنیاکردنەوەی شەریعەتی پێشووتر ، وە جێگیرکردنی شەریعەتی دواتر  ، بە تایبەتی تر کە زیاتر روونکردنەوەی دابێت وەک لە شەریعەتی پێش خۆی .

——————————
سەرچاوە ؛ موقع بیان الإسلام 

 وەرگێرانی  ؛ رێباز سیامــند فتاح

٦/ ذی الحجــة / ١٤٤٠ ھجری - ٧/٨/٢٠١٩ زاینـی
 

زیاتر

1
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه