بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
روونکردنەوەی گومانەکان
 لە ڕێگاکانی دژایەتی کردنی بێباوەڕان بۆ پێغەمبەری خوا علیه السلام :
19/10/2019
بینین: 177


یەکێک لە ڕێگاکانی دژایەتی کردنی بێباوەڕان بۆ پێغەمبەری خوا علیه السلام بریتی بوو لە شێواندنی ڕاستیەکان و بە پێچەوانە دەرخستنی بۆ خەڵکی و بەدەست هێنانی ئەوەی کە دەیانەوێ لە دژایەتی و ڕابەرایەتی 


ابن عباس ڕەزای خوای گەورە لە خۆی و باوکی بێت دەگێڕێتەوە کە وەلیدی کوڕی موغیرە لەگەل چەند کەسانێک لە قوڕەیش کۆبوونەوە ، خاوەن تەمەن و گەورە بوو لەنێویاندا ، وە کات و ساتی ئەوە هات کە دەیانەویست 

وتی : نوێنەرانی قوڕەیش لەم وەرز و مەوسمەدا دێن بۆلاتان ، وە هەواڵی ئەم هاوەلاتانیان بیستووە {{ مەبەستی پێغەمبەری خوایە علیه السلام }} ، کەوایە دەربارەی یەک را کۆبوونەوە ، وە جیاواز مەبن تیایدا بەو شێوەیە یەکتری بە درۆ بخەنەوە ، وە هەندێکیان قسەی هەندێکتان ڕەت بکەنەوە 

پێیان وت ئەی أبا عبدالشمس تۆ بیرۆکەیەکمان پێ بدە ئێمەش ئەوە دەڵێین ، ئەو وتی : بەڵکو ئێوە بڵێن و من گوێ دەگرم 

وتیان : دەڵێین ئەم کەسە {{ واتە پێغەمبەری خوا علیه السلام }} قەشەیە 


وتی : قەشە نییە ، من قەشەم بینییە ئەم لە کۆمەڵەی قەشەکان نییە 


وتیان : دەڵێین شێتە

وتی : شێت نییە ، ئێمە شێتمان بینیوە و دەیناسینەوە، ئەم بە رەفتار و کردار و گوفتاری شێت نییە 

وتیان : دەڵێین شاعیرە 

وتی : شاعیریش نییە ، شیعرمان بیستووە بە کورتی و درێژی و ڕێکخستنی وە ، ئەمە شیعر نییە کە ئەم دەیڵێت


وتیان :دەڵێین ساحر و جادووبازە 


وتی : ساحیریش نییە، ساحیرمان بینیوە و سحرەکانیشیان ، نە وەکو ساحیر بوو دەکاتە گرێدا نە وەکو ساحیر دەنوسێت 


وتیان : کەواتە چی بڵێین ئەی أبا عبدالشمس ؟!


وتی : سوێند بە الله { تبارک وتعالی } بەراستی قسەکانی شرینی هەیە ، وە دڵ داگیر دەکات ، وە بیر و هۆش کۆدەکاتەوە ، هەر شتێکی هاوشێوەی ئەمانە بڵێن دەزانرێ پووچ و بێ بنەمایە ، نزیکترین وتە کە بیڵێن ئەمە ساحیرە و جیاوازی دەخاتە نێوان کەسێک و دینەکەی بە سحرەکەی وە نێوان مندال و باوکی وە نێوان پیاو و مێردەکەی وە نێوان برا و براکەی وە لە نێوان کەسێک و هۆزەکەی 

بەم زوانە بڵاوبوونەوە تاوەکو وەرز هات و هەر کەسێکیان بەلادا برۆشتایە ئاگاداریان دەکردەوە لێی و باس و خواستیان بۆ دەکرد { ١ } 




هەمان شت بێباوەڕان لەم سەردەمەدا دەیکەن بەرامبەر ئیمانداران کەر دیقەت بدەین ، هەریەک لە جولەکە و گاور و شیوعی و مارکسی و عەلمانی ئامانجیان ئەوەیە کە دینی ئیسلام وەکو دینێکی دواکەوتو و ئیرهابی و دژە پێشکەوتن و کۆمەڵایەتی دەری بخەن ، ئەمەش گەورەترین بەڵگەیە لەسەر ئەوەی هەمان رێڕەوی بێباوەرانی پێشوو جێبەجێ دەکەن وەکو وتراویشە {{ لکل قوم وارث }} هەموو گەل و قەومێک جێنشینی هەیە 



(١)_ {{ البداية وبالنهاية لاين كثير ، بەرگی ٢ ، لاپەرە ٦٧ و ٦٨ }} 



نووسینی : ڕێباز سیامند فتاح 

١٨/ صفر / ١٤٤١ هجری _ ١٩ / ١٠/٢٠١٩ زاینی

زیاتر

1
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه