بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
ژیانی پێغەمبەر (صلی الله علیه وسلم)
 زۆران گرتنی پێغەمبەری خواﷺلەگەڵ ڕوکانە
14/01/2020
بینین: 339

  ڕوکانە یەکێک بوو لە پاڵەوانەکانی شاری مەککە کە زۆرانی لەگەڵ هەرکەس بگرتایە دەیدا بە زەویدا ، جارێکیان بە پێغەمبەر  ﷺگەیشت و داوای لێ کرد کە زۆرانی لەگەڵدا بگرێت ، وە زۆرانیان گرت پێغەمبەر ﷺدای بە زەویدا و پاشان موسوڵمان بوون .سەعیدی کوڕی جوبەیر رضی اللە عنە دەفەرموێت ( پێغەمبەرﷺلە بطحاء بوو لە مەککە ، ڕوکانە بەلایدا تێ پەڕی و هەندێ مەڕی پێبوو وتی : ئەی موحەممەد بۆ نایەی زۆرانم لەگەڵدا بگری ، پێغەمبەر ﷺ فەرمووی چیم بۆ دادەنێیت وتی : مەڕێکی تر چەن جار بەمشێوەیە پێغەمبەر ﷺزۆرانی لەگەڵدا گرت و دەیدا بەزەویدا ، دوای وتی : وەڵڵاهی ئەی موحەممەد هەتا ئێستا کەس منی نەداوە بە زەویدا ، دیارە تۆ پێغەمبەری خوایت  ئەنجا موسوڵمان بوو پێغەمبەریشﷺمەڕەکانی بۆ گێڕایەوە ... ]لەڕیوایەتێکی تردا ئیبنو عەباس  رضی اللە عنە دەگێڕێتەوە  دەفەرموێت : [ ڕوکانە زۆرانی گرت لەگەڵ پێغەمبەرداﷺسێ جار هەر جارێک لەسەر مەڕێک دوای شکستی هێنا ، وتی : ئەی موحەممەد تا ئێستا  کەس پشتی منی نەداوە لە زەوی  تا ئێستا کەس نەبووە ڕقم لێی بێت لە وێنەی تۆ بەڵام ئێستا شاهیدی دەدەم  کە خودا تاک و تەنهایە و تۆش پێغەمبەری خوایت ، ئەنجا پێغەمبەر ﷺمەڕەکانی بۆ گەڕاندەوە و ڕۆیشت]

سەرچاوە :ژیانی پێغەمبەری خوا لەقورئان و فەرمودەکاندا 
نوسینی :مامۆستا محمد ملا فایەق شارەزووری .لاپەڕە ۱۰٤-۱۰٥

زیاتر

12
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه