بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
خێزان و هاوەڵانی پێغەمبەر (صلی الله علیه وسلم)
 | فیتنه‌ی ئازاردانی هاوه‌ڵان و كۆچ كردن بۆ حه‌به‌شه‌ |
26/09/2019
بینین: 186

موشریكه‌كان زۆر به‌ توندی ئازاری ئه‌و كه‌سانه‌یان ده‌دا كه‌ ئیمانیان هێنا بوو ، ئه‌وانیان ئه‌هێنا به‌ر خۆر وه‌ به‌ردێكی گه‌وره‌یان ئه‌خسته‌ سه‌ر سنگیان له‌به‌ر گه‌رمی خۆر ، ته‌نانه‌ت ئه‌گه‌ر كه‌سێكیان ئازاد بكردبایه‌ نه‌ی ئه‌توانی دابنیشێت له‌به‌ر ئازار ، به‌ یه‌كێك یان ئه‌ڵێن لات خواته‌ ئه‌ویش به‌ زۆر ئه‌ڵێت به‌ڵێ ، وه‌ تا وای نه‌وتبا ئه‌وه‌ ئازاد ده‌كرا ، ئه‌بو جه‌هل به‌ ته‌نیشت عمار و دایك و باوكی تێپه‌ری كه‌ ئازار ده‌دران چه‌قۆیه‌كی كرد به‌ ئه‌ندامی زاوزێی دایكی عمار وه‌ كوشتی ، ڕه‌زای خوا له‌ خۆی و مێرده‌كه‌ی و عماریش بێت .
ئه‌بو به‌كری صه‌دیق یش به‌ ته‌نیشت هه‌ر ئیماندارێك تێپه‌ری با وه‌ بیبینی با وا سزا ئه‌درێت یه‌كسه‌ر له‌ گه‌وره‌كه‌ی ئه‌یكڕی و ئازادی ئه‌كرد ، له‌وانه‌ش ( بیلال  و‌دایكی حمامه‌ ، عامر كوڕی فوهیره‌ و دایكی عبس ، و زنیره‌ ، نه‌هدیه‌ و مناڵه‌كه‌ی ، و جاریەكه‌ی ابن عدی عمر زۆر ئازاری ئه‌دا له‌سه‌ر ئیسلام بوونی ، تا باوكی ووتی: ئه‌بو قوحافه‌ (ئه‌بوبه‌كر) ئه‌تبینم زۆر به‌نده‌ ئازاد ده‌كه‌یت ، ئه‌گه‌ر چی قه‌ومێك ئازاد بكه‌یت هه‌ر ڕێگریت لێ ئه‌كه‌ن . ئه‌بو به‌كریش ووتی: من بۆ خوای گه‌وره‌ ئه‌یكه‌م وه‌ ئه‌شڵێن بۆیه‌ش ئه‌و ئایه‌ته‌ دابه‌زیوه‌ (  وَسَيُجَنَّبُهَا الْأَتْقَى (١٧) الَّذِي يُؤْتِي مَالَهُ يَتَزَكَّىٰ (١٨) وَمَا لِأَحَدٍ عِندَهُ مِن نِّعْمَةٍ تُجْزَىٰ (١٩) إِلَّا ابْتِغَاءَ وَجْهِ رَبِّهِ الْأَعْلَىٰ (٢٠) وَلَسَوْفَ يَرْضَىٰ (٢١))
ئه‌و كاته‌ی ئازار و ئه‌شكه‌نجه‌ دان زۆر بوو خوای گه‌وره‌ ئیزن و ڕێگه‌ی دا كۆچ بكه‌ن بۆ حه‌به‌شه‌ كه‌ ده‌كه‌وێته‌ ڕۆژئاوایی مه‌كکه‌ ، ده‌كه‌وێته‌ نێوان بیابانی سودان ، (بحری قلزم) کە ئێستا پێی دەڵێن ده‌ریای سوور ، یه‌كه‌م كه‌س كه‌ ڕۆشت بۆ حه‌به‌شه‌ عثمان كوڕی عفان و له‌گه‌ڵ خێزانه‌كه‌ی ڕوقیه‌ی كچی پێغه‌مبه‌ر بوو ، وه‌ خه‌ڵكیش شوێنی كه‌وتن و ده‌ڵین یه‌كه‌م كه‌س كه‌ ڕۆشت بۆ حه‌به‌شه‌ باوكی حاطب كوڕی عمر بوو ، دواتر جعفه‌ری كوڕی أبو طالب ڕۆشت و دواتر كۆمه‌ڵێك ڕۆشتن ڕه‌زای خوایان لێ بێت ، ژماره‌یان نزیكه‌ی ٨٠ كه‌س ئه‌بوو ، نه‌جاشیش پاشای حه‌به‌شه‌ ئه‌وانی له‌ خۆ گرت و ڕێزی لێ گرتن و لای ئه‌و بوون ئه‌مانی پێ به‌خشین ، ئه‌و كاته‌ی قوڕه‌یش ئه‌و شته‌یان زانی وه‌فدێكیان نارد پێشه‌وای وه‌فده‌كه‌ش عبداالله كوڕی ربیعه‌  و عمر كوڕی عاص بوون دیاری و شتی گران به‌هایان پێ بوو له‌ وڵاتی خۆیان بۆ نه‌جاشیان بردبوو ، بۆ ئه‌وه‌ی دڵی به‌ ده‌ست بێنن و ڕازی بێت به‌وه‌ی ده‌ست به‌رداری باوه‌ڕداران بێت به‌ڵام ڕازی نه‌بوو ، شكستیان هێنا له‌م هه‌وڵه‌یان ، ئه‌وانیش درۆیان به‌ ده‌می باوه‌ڕدارن كرد به‌ نه‌جاشییان ووت: ئه‌وانه‌ شتانێكی زۆر گه‌وره‌ سه‌باره‌ت به‌ عیسی ده‌ڵێن: كه‌ به‌نده‌یه‌ ، ئه‌ویش بانگی مسوڵمانه‌كانی كرد به‌ پێشه‌وایی جعفری كوڕی أبو طالب بێنه‌ ئه‌و دانیشتنه‌ بۆ لای خۆی ، نه‌جاشی ووتی: ڕاسته‌ ئه‌وه‌ی ئه‌وانه‌ ئه‌ی ده‌ڵێن كه‌ ئێوه‌ وا ده‌ڵێن سه‌باره‌ت به‌ عیسی ؟ جه‌عفری كوڕی أبو طالبیش ئه‌و سوره‌ته‌ی خوێنده‌وه‌ (كهیعص) ئه‌و كاته‌ی که‌ ووتی ئه‌و صوره‌ته‌ ته‌واو بوو نه‌جاشی ووتی والله ئه‌وه‌ یه‌ك وشه‌شی زیاد نه‌كردوه‌ كه‌ له‌ ته‌ورات هاتووه‌ ، نه‌جاشی ووتی: بڕۆن ئێوه‌ ئازاد و سه‌ربه‌خۆن له‌ زه‌وی مندا ، به‌ عه‌مر و عبدالله ـشی ووت : والله ئه‌گه‌ر كۆلێك ئاڵتونم  پێ بده‌ن به‌ڵكو چیایه‌ك له‌ ئاڵتونم پێ بده‌ن ئه‌وه‌ ئه‌وانه‌ ڕاده‌ستی ئێوه‌ ناكه‌م ، دواتر فه‌رمانی كرد دیاریه‌كانیان وه‌رناگرم و بیانده‌نه‌وه‌ ، ئه‌وانیش گه‌ڕانه‌وه‌ به‌سه‌ر شۆڕی بۆ مه‌كکه‌ بێ ئه‌وه‌ی بتوانن نه‌جاشی ڕازی بكه‌ن .
_______________________________________________________
| سه‌رچاوه‌ : الفصول فی سیرة الرسول صلی الله علیه‌ وسلم - ابن كثیر ص٩٩- ١٠٢| بتصرف .
وه‌رگێرانی بەدەسکارییەوە : شوێنه‌وار كوردی
٢٦\محرم\١٤٤١هـ

زیاتر

1
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه