بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
پێغەمبەر (صلی الله علیه وسلم) لەشاری مەککە
  | ئابڵـوقه‌ خستن ـه‌ سه‌ر به‌نو هاشم – بنی مطلب |
27/09/2019
بینین: 706

حه‌مزه‌ی مامی پێغه‌مبه‌ری خوا ﷺ مسوڵمان بوو ، وه‌ زۆرێكی تریش وه‌ ئیسلام بڵاو بۆوه‌ ، ئه‌و كاته‌ی قوڕه‌یش بینیان ئیسلام بڵاو بۆته‌وه‌ ، كۆده‌نگ بوون له‌سه‌ر ئه‌وه‌ی ڕێكه‌وتن ێك بكه‌ن صه‌حیفه‌یك بنووسن ، له‌سه‌رئه‌وه‌ی ئابڵوقه‌ بخه‌نه‌ سەر به‌نو هاشم و به‌نی مطلب ، كه‌ هیچ شێتێكیان پێ نه‌فرۆشن ، وه‌ خوازبێنیان له‌گه‌ڵ نه‌كه‌ن ، و قسه‌یان له‌گه‌ڵ نه‌كه‌ن ، سه‌ردانیان نه‌كه‌ن و له‌گه‌ڵیان دانه‌نیشن ، تا ئه‌و كاته‌ی محمد پێغه‌مبه‌ری خوا ﷺ ڕاده‌ست ده‌كه‌ن ، ڕێكه‌وتنه‌كه‌یان نووسی له‌سه‌ر صه‌حیفه‌یه‌ك له‌ نێو كه‌عبه‌ هه‌ڵیان واسی ، وه‌ ئه‌ڵێن ئه‌وه‌ی ڕێكه‌وتنی ئابڵوقه‌كه‌ی نووسی ، نضر كوڕی حارث بوو ، پێغه‌مبه‌ری خوا ﷺ دوعای لێكرد ، ده‌ستی له‌ كار كه‌وت ، تانانه‌ت كافره‌كانی به‌نو هاشم و به‌نی مطلب یش هاته‌ پاڵیان ته‌نیا ئه‌بو له‌هه‌ب نه‌بێت له‌عنه‌تی خوای لێبێت ، له‌سه‌ر ئه‌و بارودۆخه‌ مانه‌وه‌ تا ٣ ساڵ .
وه‌ هه‌ندێك هۆزی قوره‌یش هه‌وڵیان دا ئه‌و صه‌حیفه‌ هه‌ڵبوشێننه‌وه‌ ، ئه‌وه‌ی هه‌ڵسا به‌و كاره‌ ، هیشام كوڕی عومه‌ر كوڕی ڕه‌بیعه‌ بوو ، ڕۆشت بۆلای مطعم كوڕی عدی وه‌ كۆمه‌ڵێكی تر له‌ قوره‌یشیه‌كان ، ئاوانیش ڕازی بوون بۆ ئه‌وه‌ی ئه‌و صه‌حیفه‌یه‌ هه‌ڵبوه‌شێننه‌وه‌ كه‌ بۆ ئابڵوقه‌ خستنه‌ سه‌ر به‌نو هاشم و به‌نی مطلب هه‌ڵواسرا بوو ، و پێغه‌مبه‌ری خواش ﷺ قه‌ومه‌كه‌ی ئاگه‌دار كرده‌وه‌ كه‌ خوای گه‌وره‌ حه‌شه‌راتی ناردوه‌ و صه‌حیفه‌كه‌ی هه‌مووی خواردوه‌ ته‌نیا ناوی خۆی نه‌بێت ، كه‌ چوون سه‌یریان كرد هه‌ر واش بوو ته‌نیا ناوی خوا مابوو ، دوای ئه‌وه‌ به‌نو هاشم به‌نی مطلب ، ئاشتبوونه‌وه‌ ڕووی دا ، هه‌ر چه‌نده‌ ئه‌بو جه‌هل ڕازی نه‌بوو .
هه‌واڵی ئه‌وه‌ گه‌یشته‌ ئه‌و ئیماندارانه‌ی كه‌ ڕۆشتبوون بۆ حه‌به‌شه‌ كه‌ خه‌ڵكی مه‌كکه‌ كه‌ قوریش هه‌مووان مسوڵمان بوون ، هه‌ندێك له‌و مسوڵمانانه‌ی ڕۆرشتبوون بۆ حه‌به‌شه‌ گه‌ڕانه‌وه‌ بۆ مه‌کكه‌ ، بینیان ناخۆشی و ئازار و ئه‌شكه‌نجه‌دان پێشتر چۆن بوو هه‌ر وه‌كو خۆی ماوه‌ له‌ مه‌كکه‌ به‌رده‌وام بوون تا ئه‌و كاته‌ی كۆچیان كرد بۆ مه‌دینه‌ ، ته‌نیا سه‌كران كوڕی عمر نه‌بێت كه‌ ده‌كاته‌ مێردی زمعه‌ ، كۆچی دوای كرد پێش ئه‌وه‌ی كۆچ بكرێت بۆ مه‌دینه‌ ، به‌ڵام سه‌له‌مه‌ كوڕێ هیشام و عەیاش كوڕی ابی ربیعه‌ زیندانی كران ، عبدالله كوڕی مخرمه‌ كوڕی عبدالعزە ئه‌ویش زیندانی كرا بوو ، له‌ ڕۆژی شه‌ڕی به‌در ڕای كرد له‌ ده‌ستی موشریكه‌كان و هاته‌ لای ئیمانداران .
__________________________________________________________
| سه‌رچاوه‌ : الفصول فی سیرة الرسول ﷺ - ابن كثیر ص١٠٢- ١٠٤| بتصرف .
وه‌رگێرانی به‌ ده‌ستكاریه‌وه‌ : شوێنه‌وار كوردی
٢٧\محرم\١٤٤١هـ

زیاتر

1
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه