بەخێربێن بۆ پێگەی پێغەمبەر (صلی الله علیه وسلم)
لە ژيانى پێغەمبەر (ﷺ) فيربووم : سەركردەى لێهاتوو شوێن كەوتوو بەرهەم ناهێنێت ، بەڵكو سەركردەى وەك خۆى دروست دەكات .
چه‌ند وته‌یه‌كی جوان: 1ـ ئارامی‌ عیباده‌تێكه‌ به‌بێ‌ زه‌حمه‌ت ، هه‌یبه‌تيكه‌ به‌بێ‌ قودره‌ت ، قه‌ڵایه‌كه‌ به‌بێ قه‌ڵغان ، سه‌ركه‌وتنێكه‌ به‌بێ‌ چه‌ك. 2ـ ماڵێك كه‌ هیچ كات وێران نابێت عه‌داله‌ته‌. 3ـ نه‌خۆشیه‌ك ده‌رمانی‌ نییه‌ بێ ئه‌قڵیه.‌ 4ـ شیرینیه‌ك دوایی‌ ده‌گۆرێت به‌ تاڵی‌ هه‌واو ئاره‌زوویه‌. ‌5ـ تاڵیه‌ك دوایی‌ ده‌گۆريت به‌شیرینی‌ صه‌بر و ئارام گرتنه‌. 6ـ ئه‌گه‌ر پشووی‌ لاشه‌ به‌كه‌می‌ خۆراكه‌ ئه‌وا پشووی‌ دڵ و ده‌روونیش به‌كه‌می‌ گوناهه.‌
پێویسته‌ هه‌میشه‌ له‌ بیرمان بێت كه‌ تاوه‌كو زستان ساردو سه‌ختتر بێت ئه‌وا به‌هاری رازاوه‌ترو جوانتر دێته‌ پىش چاو.
علی كوری به‌بو تالیب (ره‌زای خوای لى بێت) ده‌فه‌رموێت: دونیا وه‌كو مار وایه‌، رواڵه‌تی بریقه‌داره‌و ناخی هه‌ڵگری ژه‌هرێكی ترسناكه‌، ئه‌وه‌ی لێی نزیك ده‌بێته‌وه‌ گه‌مژه‌یه‌و ناحاڵیه‌، ئه‌وه‌ی لێی دوور ده‌كه‌وێته‌وه‌ خاوه‌نی ژیریه‌.
پێغەمبەر (صلی الله علیه وسلم) لەشاری مەککە
 | ڕۆیشتنی پێغه‌مبه‌ری خوا صلی اللە علیە وسلم بۆ طائیف |
28/09/2019
بینین: 311

ئه‌و كاته‌ی ئه‌و صه‌حیفه‌یه‌ هه‌لوه‌شا‌یه‌وه‌ كه‌ بۆ ئابڵوقه‌ خستنه‌ سه‌ر به‌نو هاشم به‌نی مطلب هه‌ڵواسرا بوو ، خه‌دیجه‌ ڕەزای خوای لێ بێت كۆچی دوایی كرد و أبی طالب ـیش كۆچی دوایی كرد كه‌ ‌ نێوانیان ٣ ڕۆژ بوو ، خه‌م و ناخۆشی و به‌ڵا له‌سه‌ر پێغه‌مبه‌ری خوا صلی اللە علیە وسلم زیادی كرد و ئازاردان ته‌شه‌نه‌ی كرد له‌لایەن كه‌سه‌ هیچ و خراپه‌كانی قه‌ومه‌كه‌ی ، پێغه‌مبه‌ری خواش صلی اللە علیە وسلم ڕۆشت بۆ طائیف بۆ ئه‌وه‌ی له‌ خۆی بگرن و سه‌ری بخه‌ن له‌به‌رامبه‌ر قه‌ومه‌كه‌ی ، بانگه‌وازی خه‌ڵكی طائیفی كرد بۆ ئه‌وه‌ی ئیمان بێنن ، به‌لام وه‌ڵامیان نه‌دایه‌وه‌ و ئیمانیان نه‌هێنا و وه‌ڵامی هیچ داواكاریه‌كی پێغه‌مبه‌ری خوایان نه‌داوه‌ صلی اللە علیە وسلم ، زۆر ئازاریان دا , خه‌ڵكی طائیف به‌ مناڵ و گه‌وره‌ و كۆیله‌ و ئازاد و ژن و پیاو پێغه‌مبه‌ری خوایان صلی اللە علیە وسلم به‌رد به‌ران كرد ته‌نانه‌ت له‌ سه‌ری تا پێی پێغه‌مبه‌ری خوا صلی اللە علیە وسلم هه‌ر هه‌مووی بووبوو به‌ خوێن ئه‌وه‌نه‌ی خه‌ڵكی طائیف پێغه‌مبه‌ری خوایان ئازار دا خه‌ڵكی مه‌کكه‌ ئه‌وه‌نه‌ ئازاریان نه‌دابوو ، بۆیه‌ش گه‌ڕایه‌وه‌ بۆ مه‌كکه‌ هاته‌ پاڵ مطعم كوڕی عدی كه‌ هه‌ڵوێستی زۆر جوانی هه‌بوو وه‌ ده‌ستێكی باڵای هه‌بوو له‌ هه‌ڵوه‌شاندنه‌وه‌ی ئابڵوقه‌ی سه‌ر به‌نو هاشم و به‌نی مطلب ، پێغه‌مبه‌ری خوا صلی اللە علیە وسلم بانگه‌وازی خه‌ڵكی ئه‌كرد بۆ ئه‌وه‌ی ئیمان بێنن ، طفیل كوڕی عومه‌ر الدوسی مسوڵمان بوو ، پێغه‌مبه‌ری خواش صلی اللە علیە وسلم دوعای بۆ كرد خوای گه‌وره‌ بیكات به‌ نیشانه‌یه‌ك له‌ نیشانه‌كانی خۆی ئه‌وه‌ش بوو ده‌م و چاوی طفیل زۆر ڕووناك بوو و نووڕی خسته‌ ده‌م و چاوی بۆیه‌ش پێی ئه‌ڵێن خاوه‌ن ڕووناكی ، ئه‌ویش بانگه‌وازی كرد له‌ نێو قه‌ومه‌كه‌ی هه‌ندێكیان مسوڵمان بوون ، و دوایی له‌ نێو قه‌ومه‌كه‌ی نیشته‌جێ بوو ئه‌وكاته‌ی پێغه‌مبه‌ری خوا صلی اللە علیە وسلم فه‌تحی خه‌یبه‌ری كرد ، هاتن بۆ ئه‌وێ قه‌ومه‌كه‌ی نزیكه‌ی ٨٠ ماڵ ئه‌بوون .
________________________________________________
| سه‌رچاوه‌ : الفصول فی سیرة الرسول صلی الله علیه‌ وسلم - ابن كثیر ص١٠٤- ١٠٦| بتصرف .
وه‌رگێرانی به‌ ده‌ستكاریه‌وه‌ : شوێنه‌وار كوردی
٢٨\محرم\١٤٤١ه

زیاتر

1
Copyright. All Rights Reserved.
مافی بڵاوکردنه‌وه‌ی بابه‌ته‌کان پارێزراوه بۆ پێگه‌ی پێغه‌مبه‌ری خوا،
هه‌رکه‌سێک بابه‌ته‌کان کۆپی بکات پێویسته ئاماژه به‌ سه‌رچاوه‌که‌ی بکات که‌ پێگه‌ی پێغه‌مبه‌ری خودایه